sher

tere nain-e-pur-KHumaar kuu.n sarmast-e-baada-naaz
yaa be-KHudii kaa jaam yaa sahar-e-balaa kahuu.n

Qadir Bakhsh Bedil

sher

hai munavvar ruKH-e-pur-nuur se sab ghar-baahar
ek saa jalva-e-KHurshiid hai andar-baahar

Kausar Khairabadi

sher

tum apnii zulf kholo phir dil-e-pur-daaG chamkegaa
a.ndheraa ho to kuchh kuchh sham.a kii aa.nkho.n me.n nuur aa.e

Muztar Khairabadi

sher

asiir-e-gesuu-e-pur-KHam banaa.e pahle aashiq ko
nikaale phir vo pech-o-KHam kabhii kuchh hai kabhii kuchh hai

Abdul Hadi Kavish

sher

ko.ii tabsira bhii kare to kyaa tire pur-KHuluus shi.aar par
jo nasiib-e-gul hai tiraa karam to nigaah-e-lutf hai KHaar par

Aziz Warsi Dehlvi

sher

chaman-e-sīna-e-pur-dāġh meñ terā jalva
yaar qābil tire gul-gasht ke jannat bhī nahīñ

Aasi Ghazipuri

sher

ham se kahte hai.n kare.nge aaj iz.haar-e-karam
is se kuchh matlab nahii.n mahfil me.n tuu ho yaa na ho

Hasrat Mohani

sher

kahte hai.n mahak kar gul-e-mazmuun manaaqib
phuulo.n me.n 'riyaaz' aap ke KHushbuu-e-alii hai

Riyaz Khairabadi

sher

ra.ng-e-dast aavaez-e-ulfat dekh kahtii hai hinaa
ab to haatho.n-haath saudaa tujh se jaanaa.n ban gayaa

Shah Naseer

sher

nahii.n ye kahtaa mai.n tujh se qaasid ki un se be-vaqt haal kah de
magar jo pahluu nazar se guzre to us se pahluu-tahii na karnaa

Muztar Khairabadi

sher

har naaz tiraa ye kahtaa hai har ek adaa se zaahir hai
kahne ko tiraa aashiq huu.n magar tuu aur nahii.n mai.n aur nahii.n

sher

jise tum Gair samjhe ho use ham yaar kahte hai.n
jahaa.n ko ham saraasar jalva-e-diidaar kahte hai.n

Fard Phulwarwi

sher

merii sundartaa ke gahne chhiin ke vo kahtaa hai mujh se
vo insaan bahut achchhaa hai jo har-haal me.n KHush rahtaa hai

Wasif Ali Wasif

sher

ahl-e-aalam kahte hai.n jas kau shahanshaah-e-suKHan
mai.n bhii huu.n shaagird 'kausar' as jagat ustaad kaa

Kausar Khairabadi

sher

usii ko kaamyaab-e-diid kahte hai.n nazar vaale
vo aashiq jo halaak-e-hasrat-e-diidaar ho jaa.e

Afqar Mohani

sher

tum ko kahte hai.n ki aashiq kii fuGaa.n sunte ho
ye to kahne hii kii baate.n hai.n kahaa.n sunte ho

Mir Muhammad Bedar

sher

jise kahte hai.n maut ik be-KHudii kii nii.nd hai 'shaa.eq'
pareshaanii hai jis kaa naam vo hai zindagii apnii

Pandit Shaeq Warsi

sher

ko.ii us kaa ho garebaa.n-giir ye kahtaa nahii.n
baaGbaa.n daamaan-e-gul ko gul pe kyuu.n khii.nche hai.n aap

Shah Naseer

sher

chaturbhuj naam hai us kaa ki jis ko vasudev kahte
chhabelii chhab o daamodar kii tirbha.ngii pyaarii hai

Sahjo Bai

sher

har ik adaa ko tirii laa-javaab kahte hai.n
sitam ko bhii karam-e-be-hisaab kahte hai.n

Barq Warsi