sher

husn-e-asiir-e-rasm hai 'ishq hai iztiraab me.n
mumkin kahaa.n sukuu.n mile saamnaa ho hijaab me.n

Nasar Balkhi

sher

gor detii hai naved-e-rasm-e-mehmaanii mujhe
ghar basaane le chalii hai merii viiraanii mujhe

Muztar Khairabadi

sher

nazar-afzo.ii-e-sham-e-tajallii ai zahe-qismat
kahaa.n bazm-e-jamaal un kii kahaa.n parvaangii apnii

Zaki Warsi

sher

ai sham-e-dil-afroz shab-e-taar-e-mohabbat
tujh se hii hai ye garmii-e-baazaar-e-mohabbat

Meer Muhammad Bedar

sher

dikhaa mujh ko diidaar ai gul-ezaar
tujhe apne baaG-e-iram kii qasam

Kishan Singh Arif

sher

ai shab-e-furqat na aa.ii tujh ko sharm
Gair ke ghar jaa ke mu.nh kaalaa kiyaa

Riyaz Khairabadi

sher

ai asiiraan-e-qafas aane ko hai fasl-e-KHizaa.n
chaar-din me.n aur gulshan kii havaa ho jaa.egii

Riyaz Khairabadi

sher

ai asiiraan-e-qafas aane ko hai fasl-e-KHizaa.n
chaar-din me.n aur gulshan kii havaa ho jaa.egii

Riyaz Khairabadi

sher

ai bahaar-e-gulshan-e-naaz-o-nazaakat har taraf
tere aane se hu.ii hai aur bhii bustaa.n me.n dhuum

Meer Muhammad Bedar

sher

sadqe ai qaatil tire mujh tishna-e-diidaar kii
tishnagii jaatii rahii aab-e-dam-e-shamshiir se

Bedam Shah Warsi

sher

muriid-e-piir-e-mai-KHaana hu.e qismat se ai naaseh
na jhaa.De.n shauq me.n palko.n se ham kyuu.n sahn-e-mai-KHaana

Ibrahim Aajiz

sher

ai zabt-e-dil ye kaisī qayāmat guzar ga.ī
dīvāngī meñ chaak garebān ho gayā

Fana Bulandshahri

sher

sar-o-barg-e-ḳhushī ai gul-badan tujh bin kahāñ mujh ko
gulistān-e-dil aayā fauj-e-ġham kī pā.emālī meñ

Meer Muhammad Bedar

sher

dekh ai chaman-e-husn tujhe baaG me.n KHandaa.n
shabnam nahii.n ye gul pe KHajaalat se araq hai

Meer Muhammad Bedar

sher

na chhup mujh se tuu ai but-e-sa.ng-dil
tujhe is kitaab aur qalam kii qasam

Kishan Singh Arif

sher

yaad me.n us qad-o-ruKHsaar ke ai Gam-zadagaa.n
jaa ke Tuk baaG me.n sair-e-gul-o-shamshaad karo

Meer Muhammad Bedar

sher

tujhe bahr-e-Gam se guzar ne ko ai 'shauq'
hamaarii Gazal kaa safiina nahii.n hai

Shah Ameen Ahmad Firdausi

sher

KHvaab-e-Gaflat se jaag ai 'faanii'
haq ne ab hukm-e-nafaKH-e-suur kiyaa

sher

ai jaan-e-man jaanaan-e-man ham dard-o-ham darmaan-e-man
deen-e-man-o-ii.maan-e-man amn-o-amaan-e-ummataa.n

Ahmad Raza Khan

sher

kuchh KHabar hai tujh ko ai aasuuda-e-KHvaab-e-lahad
shab jo terii yaad me.n ham taa-sahar royaa ka.e

Hasrat Mohani