sher

ham to apnī be-KHudii-e-shauq me.n sarshaar the
aap se kis ne kahaa thaa KHud-numaa ho jaa.iye

Seemab Akbarabadi

sher

dekhte the taKHta-e-gul-haa-e-aatish kii bahaar
jis tarah yaaro KHaliilullaah payambar aag me.n

Shah Naseer

sher

aatish se gul kii daaG magar 'ishq' khaa.e the
aa.ii jo peshvaa tujhe lene ko nau-bahaar

Khwaja Ruknuddin Ishq

sher

jab tak ek hasii.n makii.n thaa dil me.n har-suu phuul khile the
vo uj.Da to gulshan uj.Daa aur havaa aabaad nahii.n hai

Bekhud Suhrawardi

sher

hijāb-e-ruḳh-e-yār the aap hī ham
khulī aañkh jab koī pardā na dekhā

Khwaja Meer Dard

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

Abdul Hadi Kavish

sher

leke dil me.n mohabbat kii paakiizgii ghar se nikle the dair-o-haram ke liye
ham junuu.n me.n na jaane kahaa.n aa ga.e maah-o-anjum ne bose qadam ke liye

Mahirul Qadri

sher

but bhii is me.n rahte the dil yaar kaa bhii kaashaana thaa
ek taraf ka.abe ke jalve ek taraf but-KHaana thaa

Bedam Shah Warsi

sher

sambhal jaa.o chaman vaalo KHatar hai ham na kahte the
jamaal-e-gul ke parde me.n sharar hai ham na kahte the

Wasif Ali Wasif

sher

dil me.n jo rahte the ummiid kii duniyaa ho kar
vo chale jaate hai.n kyuu.n daaG-e-tamannaa ho kar

Hairat Shah Warsi

sher

KHudaa jaane vo jaa rahe the kahaa.n
idhar bhii nigaah-e-karam ho ga.ii

Benazir Shah Warsi

sher

paak-baazii apnī paiGaam-e-talab thii ishq me.n
dho ke daaG-e-tohmat-e-hastii safar darkaar thaa

Aasi Ghazipuri

sher

na qurb-e-gul kii taab thii na hijr-e-gul me.n chain thaa
chaman chaman phire ham apnaa aashiyaa.n liye hu.e

Bedam Shah Warsi

sher

ishq ko be-naqaab honaa thaa
aap apnaa javaab honaa thaa

Jigar Moradabadi

sher

kahaa.n chain KHvaab-e-adam me.n thaa na thaa zulf-e-yaar kaa KHayaal
so jagaa ke shor ne mujhe is balaa me.n pha.nsaa diyaa

Shah Niyaz Ahmad Barelvi

sher

hosh na thaa be-hoshii thii be-hoshii me.n phir hosh kahaa.n
yaad rahii KHaamoshii thii jo bhuul ga.e afsaana thaa

Bedam Shah Warsi

sher

merii aa.nkh band thii jab talak vo nazar me.n nuur-e-jmaal thaa
khulii aa.nkh to n KHabar rahii ki vo KHvaab thaa ki KHayaal thaa

Bahadur Shah Zafar

sher

mujh se avval na thaa kuchh dahr me.n juz zaat-e-KHudaa
Gair-e-haq dekhaa to phir kuchh na rahaa mere bad

Imdad Ali Ulvi

sher

jalva-e-har-roz jo har sub.h kii qismat me.n thaa
ab vo ik dhu.ndlaa saa KHvaab-e-dosh hai tere baGair

Seemab Akbarabadi