sher

KHudaa jaane thaa KHvaab me.n kyaa samaa.n
are dard-e-dil kyuu.n jagaayaa mujhe

Benazir Shah Warsi

sher

KHudaa jaane thaa KHvaab me.n kyaa samaa.n
are dard-e-dil kyuu.n jagaayaa mujhe

Benazir Shah Warsi

sher

haazir hai bazm-e-yaar me.n saamaan-e-aish sab
ab kis kaa intizaar hai 'akbar' kahaa.n ho tum

Shah Akbar Danapuri

sher

kuchh na ho ai inqilaab-e-aasmaa.n itnaa to ho
Gair kii qismat badal jaa.e merii taqdiir se

sher

kuchh na ho ai inqilaab-e-aasmaa.n itnaa to ho
Gair kii qismat badal jaa.e merii taqdiir se

Bedam Shah Warsi

sher

jafaa-o-jaur ke sadqe tasadduq-bar-zabaanii par
sunaate hai.n vo laakho.n be-nuqat is be-dahaanii par

Kausar Khairabadi

sher

tuufaan tanik suman kii buu me.n
samandar ek aa.nkh ke anjo me.n

Qazi Mahmud Behri

sher

mai-kada duur hai mai.n zaar huu.n saaqii hai KHafaa
haaye kis vaqt me.n KHaalii miraa paimaana hu.aa

Muztar Khairabadi

sher

jaur-o-jafaa kaa mujh se gila bhii na ho sake
paas-e-adab se tark-e-jafaa bhii na ho sake

Wajid Warsi

sher

hujuum-e-daaG-e-mohabbat me.n laala-zaar huu.n mai.n
KHizaa.n kaa KHauf nahii.n jisko vo bahaar huu.n mai.n

Najeeb Lakhnavi

sher

nahīñ us meñ to ġhair-az-jaur lekin
mujhe kyā jaane kyā aa.ī adā ḳhush

Meer Muhammad Bedar

sher

miraa sajda-e-mohabbat kabhii is tarah adaa ho
ki mirii jabii.n jhuke jab na uThe tumhaare dar se

Jauhar Warsi

sher

na thaa shabaab kamar me.n 'riyaaz' zar hotaa
to din bu.Dhaape ke bhii nazr-e-lucknow karte

Riyaz Khairabadi

sher

jafaa-o-jaur kyuu.n mujh ko na raas aa.e.n mohabbat me.n
jafaa-o-jaur ke parde me.n pinhaa.n mehrbaanii hai

Aziz Warsi Dehlvi

sher

ishq ne to.Dii sar pe qayaamat zor-e-qayaamat kyaa kahiye
sun.ne vaalaa ko.ii nahii.n ruudaad-e-mohabbat kyaa kahiye

Jigar Moradabadi

sher

agar chaahuu.n nizaam-e-dahr ko zer-o-zabar kar duu.n
mire jazbaat kaa tuufaa.n zamii.n se aasmaa.n tak hai

Wali Warsi

sher

kuduurat-e-dil-e-maashuuq-e-gul-e-'izaar huu.n mai.n
havaa u.Daa na sake jisko vo Gubaar huu.n mai.n

Najeeb Lakhnavi

sher

bazm-e-gul me.n vo gul-e-'izaar nahii.n
fasl-e-gul hai magar bahaar nahii.n

Fazihat Shah Warsi

sher

ye a.ndheraa pahle suuraj ko churaa le jaa.egaa
phir zamaane se ujaalo.n ko uThaa le jaa.egaa

Jauhar Noori

sher

Gair-e-zaahir na mazaahir kii haqiiqat samjhuu.n
itnii tam.iiz miyaan-e-haq-o-baatil denaa

Aasi Ghazipuri