sher

Gair-e-zaahir na mazaahir kii haqiiqat samjhuu.n
itnii tam.iiz miyaan-e-haq-o-baatil denaa

Aasi Ghazipuri

sher

har naaz tiraa ye kahtaa hai har ek adaa se zaahir hai
kahne ko tiraa aashiq huu.n magar tuu aur nahii.n mai.n aur nahii.n

sher

jo.ii avval so.ii aaKHir jo.ii zaahir so.ii baatin
KHudii ke tark me.n jaldii se maKHfii sab ayaa.n hogaa

Qadir Bakhsh Bedil

sher

aish-o-ishrat vasl-o-raahat sab KHushii me.n shariik
be-kasii me.n aah ko.ii puuchhne vaalaa nahii.n

Mirza Fida Ali Shah Manan

sher

haa.e us mard kii qismat jo hu.aa dil kaa shariik
haa.e us dil kaa muqaddar jo banaa dil meraa

Jigar Moradabadi

sher

mushkil hai taa ki hastii hai jaavai KHudii kaa shirk
taar-e-nafas nahii.n hai ye zunnaar saath hai

Khwaja Meer Asar

sher

miraa sajda-e-mohabbat kabhii is tarah adaa ho
ki mirii jabii.n jhuke jab na uThe tumhaare dar se

Jauhar Warsi

sher

ye a.ndheraa pahle suuraj ko churaa le jaa.egaa
phir zamaane se ujaalo.n ko uThaa le jaa.egaa

Jauhar Noori

sher

kabhii samt-e-Gaib sii.n kyaa havaa ki chaman zuhuur kaa jal gayaa
magar ek shaaKH-e-nihaal-e-Gam jise dil kaho so harii rahii

Siraj Aurangabadi

sher

Gair-e-jauhar nahii.n e'raaz se un ko kuchh kaam
ra.ng-o-buu per nahii.n saahib-nazraa.n jaate hai.n

Meer Muhammad Bedar

sher

mire aa.nsu.o.n ke qatre hai.n chaaraaG-e-rah-e-manzil
unhe.n raushnii milii hai tapish-e-dil-o-jigar se

Jauhar Warsi

sher

nazar-afzo.ii-e-sham-e-tajallii ai zahe-qismat
kahaa.n bazm-e-jamaal un kii kahaa.n parvaangii apnii

Zaki Warsi

sher

ai sham-e-dil-afroz shab-e-taar-e-mohabbat
tujh se hii hai ye garmii-e-baazaar-e-mohabbat

Meer Muhammad Bedar

sher

dikhaa mujh ko diidaar ai gul-ezaar
tujhe apne baaG-e-iram kii qasam

Kishan Singh Arif

sher

ai shab-e-furqat na aa.ii tujh ko sharm
Gair ke ghar jaa ke mu.nh kaalaa kiyaa

Riyaz Khairabadi

sher

ai asiiraan-e-qafas aane ko hai fasl-e-KHizaa.n
chaar-din me.n aur gulshan kii havaa ho jaa.egii

Riyaz Khairabadi

sher

ai asiiraan-e-qafas aane ko hai fasl-e-KHizaa.n
chaar-din me.n aur gulshan kii havaa ho jaa.egii

Riyaz Khairabadi

sher

ai bahaar-e-gulshan-e-naaz-o-nazaakat har taraf
tere aane se hu.ii hai aur bhii bustaa.n me.n dhuum

Meer Muhammad Bedar

sher

sadqe ai qaatil tire mujh tishna-e-diidaar kii
tishnagii jaatii rahii aab-e-dam-e-shamshiir se

Bedam Shah Warsi

sher

muriid-e-piir-e-mai-KHaana hu.e qismat se ai naaseh
na jhaa.De.n shauq me.n palko.n se ham kyuu.n sahn-e-mai-KHaana

Ibrahim Aajiz