Font by Mehr Nastaliq Web

SEARCH RESULTS

Showing search results for "taahi"

SHER MATCHES FOR "taahi"

sher

paak-baazii apnī paiGaam-e-talab thii ishq me.n
dho ke daaG-e-tohmat-e-hastii safar darkaar thaa

Aasi Ghazipuri
sher

na qurb-e-gul kii taab thii na hijr-e-gul me.n chain thaa
chaman chaman phire ham apnaa aashiyaa.n liye hu.e

Bedam Shah Warsi
sher

kahaa.n chain KHvaab-e-adam me.n thaa na thaa zulf-e-yaar kaa KHayaal
so jagaa ke shor ne mujhe is balaa me.n pha.nsaa diyaa

Shah Niyaz Ahmad Barelvi
sher

ishq ko be-naqaab honaa thaa
aap apnaa javaab honaa thaa

Jigar Moradabadi
sher

mujh se avval na thaa kuchh dahr me.n juz zaat-e-KHudaa
Gair-e-haq dekhaa to phir kuchh na rahaa mere bad

Imdad Ali Ulvi
sher

hosh na thaa be-hoshii thii be-hoshii me.n phir hosh kahaa.n
yaad rahii KHaamoshii thii jo bhuul ga.e afsaana thaa

Bedam Shah Warsi
sher

vahaa.n to hazrat-e-zaahid tumhe.n achchho.n se nafrat thii
yahaa.n jannat me.n ab kis mu.nh se tum lene ko huur aa.e

Muztar Khairabadi
sher

jalva-e-har-roz jo har sub.h kii qismat me.n thaa
ab vo ik dhu.ndlaa saa KHvaab-e-dosh hai tere baGair

Seemab Akbarabadi
sher

ishq thaa apne zo.am me.n ishq ko zid banii rahii
qissa hu.aa na muKHtasar umr tamaam ho ga.ii

Rasheed Warsi
sher

merii aa.nkh band thii jab talak vo nazar me.n nuur-e-jmaal thaa
khulii aa.nkh to n KHabar rahii ki vo KHvaab thaa ki KHayaal thaa

Bahadur Shah Zafar
sher

mai.n zarra thaa mujhe zarre se aaftaab kiyaa
phir ab na zarra banaa aaftaab kar ke mujhe

Qazi Khaliluddin Hassan
sher

ham to apnī be-KHudii-e-shauq me.n sarshaar the
aap se kis ne kahaa thaa KHud-numaa ho jaa.iye

Seemab Akbarabadi
sher

KHuun-e-dil jitnaa thaa saaraa vaqf-e-hasrat kar diyaa
is qadar royaa ki merii aa.nkh me.n aa.nsuu nahii.n

Muztar Khairabadi
sher

vo ajab gha.Dii thii me.n jis gha.Dii liyaa dars nusKHa-e-ishq ke
ki kitaab aql kii taaq per jiyuu.n dharii thii tiyuu.n hii dharii rahii

Siraj Aurangabadi
sher

ishq kii barbaadiyo.n ko raa.egaa.n samjhaa thaa mai.n
bastiyaa.n niklii.n jinhe.n viiraaniyaa.n samjhaa thaa mai.n

Jigar Moradabadi
sher

pas-e-mudan iraadaa dil me.n thaa jo kuu-e-qaatil kaa
lahad me.n KHush hu.aa mai naam sunkar pahlii manzil kaa

Ghafil Lakhnavi
sher

jab tak ek hasii.n makii.n thaa dil me.n har-suu phuul khile the
vo uj.Da to gulshan uj.Daa aur havaa aabaad nahii.n hai

Bekhud Suhrawardi
sher

ye tavaqqo.a na thii hame.n hargiz
ki dikhaa.oge ye jafaa dil ko

Meer Muhammad Bedar
sher

bazm-e-KHalvat me.n tak rahii thii use
shama aaKHir ko gul kiye hii banii

Khalil Tonki
sher

dekhte the taKHta-e-gul-haa-e-aatish kii bahaar
jis tarah yaaro KHaliilullaah payambar aag me.n

Shah Naseer
Load More
Online Treasure of Sufi and Sant Poetry
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta

Urdu poetry, urdu shayari, shayari in urdu, poetry in urdu
Rekhta Dictionary

A Trilingual Treasure of Urdu Words
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Speak Now