'alii nausha banaa sehraa ba.ndhaa mushkil-kushaa.ii kaa

'alii nausha banaa sehraa ba.ndhaa mushkil-kushaa.ii kaa

milaa KHil'at nabii se KHalaq kii haajat-ravaa.ii kaa

pahnaayaa shah ko KHirqa faqr kaa badle shahaane ke

diyaa taaj us ko har shaah-o-gadaa kii peshvaa.ii kaa

ba-sad saaz-o-navaa dhuume.n machii.n saarii KHudaa.ii me.n

kiyaa saamaa.n KHudaa ne faatima kii katKHudaa.ii kaa

Gulaamaan-e-jahezii ban ga.e sab KHaas-o-'aam us ke

banaa maulaa 'alii duulhaa jo us ahmad kii jaa.ii kaa

gunahgaaraan-e-ummat kii shafaa'at mehar me.n Thahrii

hu.aa phir vaa'da-e-diidaar diidaar badlaa ruu-numaa.ii kaa

livaa-ul-hamd duldul zulfiqaar allaah ne baKHshii

salaamii me.n vo lashkar-kash banaa fauj-e-kHudaa.ii kaa

hu.ii aisii na ho.egii 'uruusii aur daamaadii

azal se taa-abad jalva hai us jalva-numaa.ii kaa

mubaarakbaad dii huur-o-malaa.ik jinn-o-insaa.n ne

liyaa in'aam ho kar shaadmaa.n shaadii rachaa.ii kaa

jahaa.n hai shaad-o-aabaad ai 'mazaaq' aulaad se un kii

rahegaa duur duur aisaa hii aal-e-mustafaa.ii kaa

'alii nausha banaa sehraa ba.ndhaa mushkil-kushaa.ii kaa

milaa KHil'at nabii se KHalaq kii haajat-ravaa.ii kaa

pahnaayaa shah ko KHirqa faqr kaa badle shahaane ke

diyaa taaj us ko har shaah-o-gadaa kii peshvaa.ii kaa

ba-sad saaz-o-navaa dhuume.n machii.n saarii KHudaa.ii me.n

kiyaa saamaa.n KHudaa ne faatima kii katKHudaa.ii kaa

Gulaamaan-e-jahezii ban ga.e sab KHaas-o-'aam us ke

banaa maulaa 'alii duulhaa jo us ahmad kii jaa.ii kaa

gunahgaaraan-e-ummat kii shafaa'at mehar me.n Thahrii

hu.aa phir vaa'da-e-diidaar diidaar badlaa ruu-numaa.ii kaa

livaa-ul-hamd duldul zulfiqaar allaah ne baKHshii

salaamii me.n vo lashkar-kash banaa fauj-e-kHudaa.ii kaa

hu.ii aisii na ho.egii 'uruusii aur daamaadii

azal se taa-abad jalva hai us jalva-numaa.ii kaa

mubaarakbaad dii huur-o-malaa.ik jinn-o-insaa.n ne

liyaa in'aam ho kar shaadmaa.n shaadii rachaa.ii kaa

jahaa.n hai shaad-o-aabaad ai 'mazaaq' aulaad se un kii

rahegaa duur duur aisaa hii aal-e-mustafaa.ii kaa