Aina Shayari

mujhī ko dekh leñ ab tere dekhne vaale

tū ā.īna hai mirā terā ā.īnā huuñ maiñ

mujhi ko dekh len ab tere dekhne wale

tu aaina hai mera tera aaina hun main

jise dekhā yahāñ hairān dekhā

ye kaise ā.īna-ḳhāna banāyā

jise dekha yahan hairan dekha

ye kaise aaina-KHana banaya

kar ke siñghār aa.e vo aisī adā ke saath

ā.īna un ko dekh kar hairān ho gayā

kar ke siñghār aae wo aisī adā ke sath

āīna un ko dekh kar hairān ho gayā

dil nuuñ sikal hove har tarafoñ tad pakḌai a.in safā.ī

taañ kujh bane ā.īna hāsham ate samjhe bhiit ilāhī

dil nun sikal howe har tarafon tad pakDai ain safai

tan kujh bane aaina hasham ate samjhe bhit ilahi

zindagī hai ma.asiyat kā ā.īna

phir bhī us par naaz kuchh hai to sahī

zindagi hai masiyat ka aaina

phir bhi us par naz kuchh hai to sahi

aap dekhā us ne apne aap ko

ham ko ā.īna banāyā yaar ne

aap dekha us ne apne aap ko

hum ko aaina banaya yar ne

tā-āb na-gardīn ze-sharm-e-hastī

mā rā na-namūdand dar ā.īnā-e-mā

ta-ab na-gardin ze-sharm-e-hasti

ma ra na-namudand dar aaina-e-ma

dekheñ ḳhush ho ke na kyuuñ aap tamāshā apnā

ā.īna apnā hai aks apnā hai jalva apnā

dekhen KHush ho ke na kyun aap tamasha apna

aaina apna hai aks apna hai jalwa apna

mujh ko tāḳhīr kā shikvah nahīñ haañ aur suno

ā.īna terā hai zulf terī shāna terā

mujh ko taKHir ka shikwah nahin han aur suno

aaina tera hai zulf teri shana tera

gah yaar banā gaah banā sūrat-e-aġhyār

apnā hī banā ā.īna apnā hī prastār

gah yar bana gah bana surat-e-aghyar

apna hi bana aaina apna hi prastar

jalva-e-zāt ai ma.āz-allāh

tāb-e-ā.īna-e-sifāt ga.ī

jalwa-e-zat ai maaz-allah

tab-e-aina-e-sifat gai

ā.īna-e-dil ko saaf kar dekhā

us meñ aslan nahīñ qusūr kiyā

aaina-e-dil ko saf kar dekha

us mein aslan nahin qusur kiya

aap apne dekhne ke vāste

ham ko ā.īna banāyā yaar ne

aap apne dekhne ke waste

hum ko aaina banaya yar ne

ā.īna ru ke sāmne ham ban ke ā.īna

hairāniyoñ ka ek tmasha karen.ge ham

aaina ru ke samne hum ban ke aaina

hairaniyon ka ek tmasha karenge hum

hairat-e-ishq mirī husn kā ā.īna hai

dekhne vaale kahāñ se haiñ kahāñ tak pahuñche

hairat-e-ishq mirī husn kā āīna hai

dekhne wale kahāñ se haiñ kahāñ tak pahuñche

jo dekhā aks ā.īna meñ apnā bole jhinjhlā kar

are haT kaun hai tū sāmne se kiyoñ maqābil hai

jo dekha aks aaina mein apna bole jhinjhla kar

are haT kaun hai tu samne se kiyon maqabil hai

bevafā.ī un siyah-chashmāñ kī dekhā jab satī

misl-e-ā.īna ho hairāñ dil hai sargardāñ mirā

bewafai un siyah-chashman ki dekha jab sati

misl-e-aina ho hairan dil hai sargardan mera

merī hastī hai ā.īna tere ruḳh kī tajallī kā

zamāne par ayaañ terī haqīqat hotī jaatī hai

meri hasti hai aaina tere ruKH ki tajalli ka

zamane par ayan teri haqiqat hoti jati hai

samā.e haiñ apne nigāhoñ meñ aise

jab ā.īna dekhā hai hairāñ hue haiñ

samae hain apne nigahon mein aise

jab aaina dekha hai hairan hue hain

kuchh ufuq hai nūr-āgīñ kuchh shafaq hai laal laal

zarra zarra ā.īna hai husn-rū-e-ḳhāk kā

kuchh ufuq hai nur-agin kuchh shafaq hai lal lal

zarra zarra aaina hai husn-ru-e-KHak ka

ā.īna-ḳhāna banā sūrat-e-vāris 'bedam'

lutf-e-nazzāra-e-sarkār mubārak bāshad

aaina-KHana bana surat-e-waris 'bedam'

lutf-e-nazzara-e-sarkar mubarak bashad

tū ne apnā jalva dikhāne ko jo naqāb muñh se uThā diyā

vahīñ hairat-e-be-ḳhudī ne mujhe ā.īna sā dikhā diyā

tu ne apna jalwa dikhane ko jo naqab munh se uTha diya

wahin hairat-e-be-KHudi ne mujhe aaina sa dikha diya

mirī 'hairat' mohabbat ho mohabbat aap kī 'hairat'

yahī ā.īna-dārī āḳhirash roz-e-yaqīñ aa.e

meri 'hairat' mohabbat ho mohabbat aap ki 'hairat'

yahi aaina-dari aaKHirash roz-e-yaqin aae

ārā.ish-e-husn ā.īna-ruḳh karte ho har dam

lenā hai magar dam tumheñ manzūr kisī kā

ārāish-e-husn āīna-ruḳh karte ho har dam

lenā hai magar dam tumheñ manzūr kisī kā

ā.īna hai ā.īna-rūyoñ kā husn

bīnish us kī apne andar aur hai

aaina hai aaina-ruyon ka husn

binish us ki apne andar aur hai

ik chehre se pyaar karūñ maiñ ik se ḳhauf lage hai mujh ko

ik chehra ik ā.īna hai ik chehra patthar lagtā hai

ek chehre se pyar karun main ek se KHauf lage hai mujh ko

ek chehra ek aaina hai ek chehra patthar lagta hai

ye bolā dekh kar ā.īna mujh se vo merā ḳhud-bīñ

kaho ḳhush-rū jahāñ meñ aur haiñ mere muqābil ke

ye bola dekh kar aaina mujh se wo mera KHud-bin

kaho KHush-ru jahan mein aur hain mere muqabil ke

ek aalam abhī hairat-zada kar aayā tū

phir ab ai ā.īna-ruḳhsār kahāñ jaatā hai

ek aalam abhī hairat-zada kar aayā tū

phir ab ai āīna-ruḳhsār kahāñ jatā hai

ā.īna āb-e-tamavvuj se bahā jaatā hai

kahiye tasvīr se girnā na kahīñ dekh sambhal

aaina aab-e-tamawwuj se baha jata hai

kahiye taswir se girna na kahin dekh sambhal

tumhārā ā.īna-e-dil hai kuchh ġhubār-ālūd

tum apne ā.īna-e-dil ko tābdār kaaro

tumhaara aaina-e-dil hai kuchh ghubar-alud

tum apne aaina-e-dil ko tabdar karo

na hotā ā.īna hargiz muqābil

tū apnā husn chamkāyā to hotā

na hota aaina hargiz muqabil

tu apna husn chamkaya to hota

yās-o-hasrat kā tire ba.ad ā.īna rah jā.egā

jo bhī dekhegā mirā muñh dekhtā rah jā.egā

yas-o-hasrat ka tere baad aaina rah jaega

jo bhi dekhega mera munh dekhta rah jaega

soz-e-ġham dekh na barbād ho hāsil merā

dil kī tasvīr hai har ā.īna-e-dil merā

soz-e-gham dekh na barbaad ho hasil mera

dil ki taswir hai har aaina-e-dil mera

hotā na agar us ke tamāshe meñ tahayyur

hairat se maiñ ā.īna-e-namat-e-dañg na hotā

hota na agar us ke tamashe mein tahayyur

hairat se main aaina-e-namat-e-dang na hota

saath merā terā ai ā.īna rahtā thā

vo bhī din yaad haiñ jab sāmne tū rahtā thā

sath mera tera ai aaina rahta tha

wo bhi din yaad hain jab samne tu rahta tha

har shai ko merī ḳhātir-e-nāshād ke liye

ā.īna-e-jamāl banā kar chale ga.e

har shai ko meri KHatir-e-nashad ke liye

aaina-e-jamal bana kar chale gae

sūrat-numā ho ishq tirā phir kahāñ agar

ā.īna-e-jmāl-e-sarāpā shikasht ho

surat-numa ho ishq tera phir kahan agar

aaina-e-jmal-e-sarapa shikasht ho

dekh tere muñh ko kuchh ā.īna hī hairāñ nahīñ

tujh ruḳh-e-raushan kī hai mahr-o-mah-e-tābāñ meñ dhuum

dekh tere munh ko kuchh aaina hi hairan nahin

tujh ruKH-e-raushan ki hai mahr-o-mah-e-taban mein dhum

vaqt-e-ārā.ish jo kī ā.īna per usne nazar

husn ḳhud kahne lagā is se hasīñ dekhā nahīñ

waqt-e-araish jo ki aaina per usne nazar

husn KHud kahne laga is se hasin dekha nahin

huā hai zauq ārā.ish kā phir us husn-ārā ko

koī de de uThā kar ā.īna dast-e-sikandar meñ

hua hai zauq aaraish ka phir us husn-ara ko

koi de de uTha kar aaina dast-e-sikandar mein

qalb-e-momin ā.īna hai zāt-e-momin kā ‘razā’

dekh kar hairāñ use kiyuñ aql-e-asqandar na ho

qalb-e-momin aaina hai zat-e-momin ka ‘raza’

dekh kar hairan use kiyun aql-e-asqandar na ho

ā.īna dikhāyā to kahā ā.īna-ruḳh ne

ā.īne ko ā.īna dikhāyā nahīñ jaatā

aaina dikhaya to kaha aaina-ruKH ne

aaine ko aaina dikhaya nahin jata

karishmā-sāzi-e-husn-e-azal are tauba

mirā hī ā.īna mujh ko dikhā ke luuT liyā

karishma-sazi-e-husn-e-azal are tauba

mera hi aaina mujh ko dikha ke luT liya

jī meñ aatā hai but-e-kāfir tirī puujā karūñ

ā.īna tujh ko banā.ūñ aur maiñ dekhā karūñ

ji mein aata hai but-e-kafir teri puja karun

aaina tujh ko banaun aur main dekha karun

paye taskīn-nazar dīda-e-bianā ke liye

muḳhtalif ruup kā ye ek hī ā.īna haiñ

paye taskin-nazar dida-e-biana ke liye

muKHtalif rup ka ye ek hi aaina hain

huā kyā paḌā ā.īna beach meñ

ye thā kaun kis se laḌā.ī huī

hua kya paDa aaina beach mein

ye tha kaun kis se laDai hui

dil ki mujassam ā.īna-sāmāñ

aur vo zālim ā.īna-dushman

dil ki mujassam aaina-saman

aur wo zalim aaina-dushman

jilā.e shauq se ā.īna-e-tasvīr-e-ḳhātir meñ

numāyāñ ho chalā rū-e-nigār āhista āhista

jilae shauq se aaina-e-taswir-e-KHatir mein

numayan ho chala ru-e-nigar aahista aahista

dil kī bisāt kyā thī nigāh-e-jamāl meñ

ik ā.īna thā TuuT gayā dekh-bhāl meñ

dil kī bisāt kyā thī nigāh-e-jamāl meñ

ek āīna thā TuT gayā dekh-bhāl meñ

abhī tak to ġhubār-ālūd hai ā.īna-e-hastī

jo chāheñ aap to ye ā.īna ā.īna ban jaa.e

abhi tak to ghubar-alud hai aaina-e-hasti

jo chahen aap to ye aaina aaina ban jae