Ehsas Shayari

ehsās ke mai-ḳhāne meñ khaañ ab fikr-o-nazar kī kindīleñ

ālām kī shiddat kiyā kahye kuchh yaad rahī kuchh bhuul ga.e

ehsas ke mai-KHane mein khan ab fikr-o-nazar ki kindilen

aalam ki shiddat kiya kahye kuchh yaad rahi kuchh bhul gae

jalva jo tire ruḳh kā ehsās meñ Dhal jaa.e

is ālam-e-hastī kā aalam hī badal jaa.e

jalwa jo tere ruḳh kā ehsās meñ Dhal jae

is ālam-e-hastī kā aalam hī badal jae

apne riste hue zaḳhmoñ pe chhiḌak letā huuñ

raakh jhaḌtī hai jo ehsās ke añgāroñ se

apne riste hue zaKHmon pe chhiDak leta hun

rakh jhaDti hai jo ehsas ke angaron se

ik buad-e-ḳhayālī se haT kar ġham-e-furqat kyā

maflūj na hone do ehsās-e-ma.īyat ko

ek buad-e-KHayali se haT kar gham-e-furqat kya

mafluj na hone do ehsas-e-maiyat ko

jab chāhne vaale ḳhatm hue us vaqt unheñ ehsās huā

ab yaad meñ un kī rote haiñ hañs hañs ke rulānā bhuul ga.e

jab chahne wale KHatm hue us waqt unhen ehsas hua

ab yaad mein un ki rote hain hans hans ke rulana bhul gae

mahsūs ye huā mujhe ehsās-e-ġham ke saath

maiñ us ke dam ke saath huuñ vo mere dam ke saath

mahsus ye hua mujhe ehsas-e-gham ke sath

main us ke dam ke sath hun wo mere dam ke sath

ab to ye bhī nahīñ rahā ehsās

dard hotā hai yā nahīñ hotā

ab to ye bhi nahin raha ehsas

dard hota hai ya nahin hota

guzar jā manzil-e-ehsās kī had se bhī ai 'afqar'

kamāl-e-be-ḳhudī hai be-niyāz-e-hosh ho jaanā

guzar ja manzil-e-ehsas ki had se bhi ai 'afqar'

kamal-e-be-KHudi hai be-niyaz-e-hosh ho jaana

dafn huuñ ehsās kī sadiyoñ purānī qabr meñ

zindagī ik zaḳhm hai aur zaḳhm bhī taaza nahīñ

dafn hun ehsas ki sadiyon purani qabr mein

zindagi ek zaKHm hai aur zaKHm bhi taza nahin

ab us manzil pe pahuñchā hai kisī kā be-ḳhud-e-ulfat

jahāñ par zindagī-o-maut kā ehsās yaksāñ hai

ab us manzil pe pahuncha hai kisi ka be-KHud-e-ulfat

jahan par zindagi-o-maut ka ehsas yaksan hai

tirī talab terī aarzū meñ nahīñ mujhe hosh zindagī kā

jhukā huuñ yuuñ tere āstāñ par ki mujh ko ehsās-e-sar nahīñ hai

tirī talab terī aarzū meñ nahīñ mujhe hosh zindagī kā

jhukā huñ yuñ tere āstāñ par ki mujh ko ehsās-e-sar nahīñ hai

ashkoñ se kahīñ miTtā hai ehsās-e-talavvun

paanī meñ jo ghul jaa.e vo paarā nahīñ hotā

ashkon se kahin miTta hai ehsas-e-talawwun

pani mein jo ghul jae wo para nahin hota