Iltija Shayari

na jaane kaun se yūsuf kā jalva mujh meñ pinhāñ hai

zuleḳhā aaj tak kartī hai 'muztar' iltijā merī

na jaane kaun se yusuf ka jalwa mujh mein pinhan hai

zuleKHa aaj tak karti hai 'muztar' iltija meri

vo hai idhar 'itāb meñ dil hai udhar ’azāb meñ

zauq-e-talab ne kiyūñ mujhe jalva-e-iltijā diyā

wo hai idhar 'itab mein dil hai udhar ’azab mein

zauq-e-talab ne kiyun mujhe jalwa-e-iltija diya

thake ham to bas iltijā karte karte

kaTī umr sun sun ke shām-o-sahar meñ

thake hum to bas iltija karte karte

kaTi umr sun sun ke sham-o-sahar mein

ma.ashūq-e-be-parvāh aage garche abas hai iltijā

ushshāq ko behtar nahīñ ziiñ sheva-kār-e-digar

mashuq-e-be-parwah aage garche abas hai iltija

ushshaq ko behtar nahin zin shewa-kar-e-digar

iltijā-e-'sayyada' sun le barā.e mustafā

qaum-e-muslim ko bahār-e-ālam-e-taqdīr de

iltija-e-'sayyada' sun le barae mustafa

qaum-e-muslim ko bahaar-e-alam-e-taqdir de

zamāna ko badalne do ḳhudā vo din bhī kar degā

tamāshā dekh lenā ham se karte iltijā tum ho

zamana ko badalne do KHuda wo din bhi kar dega

tamasha dekh lena hum se karte iltija tum ho

tirī ḳhū-e-barham se vāqif thī phir bhī

hue muft sharminda-e-iltijā ham

teri KHu-e-barham se waqif thi phir bhi

hue muft sharminda-e-iltija hum

mirī iltijā hai tujh se mirī bandagī badal de

ki tire karam mirī jaañ mirī lau lagī huī hai

mirī iltijā hai tujh se mirī bandagī badal de

ki tere karam mirī jañ mirī lau lagī huī hai

jo māñgnā ho ḳhudā se māñgo usī se baḳhshish kī iltijā ho

gunāh Dhal kar ho paanī paanī sambhal ke chaliye qadam qadam par

jo mangna ho KHuda se mango usi se baKHshish ki iltija ho

gunah Dhal kar ho pani pani sambhal ke chaliye qadam qadam par

vaqār-e-iltijā bhī ham ne khoyā

abas jā jā ke un se iltijā kī

waqar-e-iltija bhi hum ne khoya

abas ja ja ke un se iltija ki

mileñ bhī vo to kyūñkar aarzū bar aa.egī dil kī

na hogā ḳhud ḳhayāl un ko na hogī iltijā mujh se

milen bhi wo to kyunkar aarzu bar aaegi dil ki

na hoga KHud KHayal un ko na hogi iltija mujh se