Insan Shayari

allāh agar taufīq na de insān ke bas kā kaam nahīñ

faizān-e-mohabbat aam sahī irfān-e-mohabbat aam nahīñ

allah agar taufiq na de insan ke bas ka kaam nahin

faizan-e-mohabbat aam sahi irfan-e-mohabbat aam nahin

jahāñ qudrat kisī se pher letī hai nazar apnī

vahīñ insān kī be-mā.egī ma.alūm hotī hai

jahan qudrat kisi se pher leti hai nazar apnī

wahin insan ki be-maegi malum hoti hai

merī sundartā ke gahne chhīn ke vo kahtā hai mujh se

vo insān bahut achchhā hai jo har-hāl meñ ḳhush rahtā hai

meri sundarta ke gahne chhin ke wo kahta hai mujh se

wo insan bahut achchha hai jo har-haal mein KHush rahta hai

vahī insān hai 'ehsāñ' ki jise ilm hai kuchh

haq ye hai baap se afzūñ rahe ustād kā haq

wahī insān hai 'ehsāñ' ki jise ilm hai kuchh

haq ye hai bap se afzūñ rahe ustād kā haq

ye raaz kī bāteñ haiñ is ko samjhe to koī kyūñkar samjhe

insān hai putlā hairat kā majbūr bhī hai muḳhtār bhī hai

ye raaz ki baaten hain is ko samjhe to koi kyunkar samjhe

insan hai putla hairat ka majbur bhi hai muKHtar bhi hai

dekhā jo us sanam ko to mahsūs ye huā

jalva ḳhudā kā sūrat-e-insān ho gayā

dekhā jo us sanam ko to mahsūs ye huā

jalwa ḳhudā kā sūrat-e-insān ho gayā

azm-o-istiqlāl hai shart-e-muqaddam ishaq meñ

koī jaada kyuuñ na ho insān us par jam rahe

azm-o-istiqlal hai shart-e-muqaddam ishaq mein

koi jada kyun na ho insan us par jam rahe

jis kī gardan meñ hai phandā vahī insān baḌā

sūliyoñ se yahāñ paimā.ish-e-qad hotī hai

jis ki gardan mein hai phanda wahi insan baDa

suliyon se yahan paimaish-e-qad hoti hai

ilāhī bhed tere us ne zāhir kar diye sab par

kahā thā kis ne tū 'sīmāb' ko insān paidā kar

ilāhī bhed tere us ne zāhir kar diye sab par

kahā thā kis ne tū 'sīmāb' ko insān paidā kar

duniyā hai ḳhvāb hāsil-e-duniyā ḳhayāl hai

insān ḳhvāb dekh rahā hai ḳhayāl meñ

duniyā hai ḳhwāb hāsil-e-duniyā ḳhayāl hai

insān ḳhwāb dekh rahā hai ḳhayāl meñ

insān ke dil meñ ghuT-ghuT kar jo ruuh ko khaa.e jaatā hai

himmat thī agar to duniyā ne us raaz ko ifshā kar na diyā

insan ke dil mein ghuT-ghuT kar jo ruh ko khae jata hai

himmat thi agar to duniya ne us raaz ko ifsha kar na diya

ye insān ban jaa.eñ kuchh saath rah kar

farishtoñ ko ham raah par lā rahe haiñ

ye insan ban jaen kuchh sath rah kar

farishton ko hum rah par la rahe hain

jin se ki ho marbūt vahī tum ko hai maimūn

insān kī sohbat tumheñ darkār kahāñ hai

jin se ki ho marbūt wahī tum ko hai maimūn

insān kī sohbat tumheñ darkār kahāñ hai