Jafa Shayari

shikva hai kufr ahl-e-mohabbat ke vāste

har ik jafā-e-dost pe shukrāna chāhiye

shikwa hai kufr ahl-e-mohabbat ke waste

har ek jafa-e-dost pe shukrana chahiye

tabī.at jo sabr-āzmā ho ga.ī

jafā rafta rafta vafā ho ga.ī

tabiat jo sabr-azma ho gai

jafa rafta rafta wafa ho gai

us se kah do ki vo jafā na kare

kahīñ mujh sā use ḳhudā na kare

us se kah do ki wo jafa na kare

kahin mujh sa use KHuda na kare

jafā-kārī hai taslīm-e-sitam bhī

na hogā tābe.a-e-jaur-o-jafā dil

jafa-kari hai taslim-e-sitam bhi

na hoga tabea-e-jaur-o-jafa dil

kabho ham se bhī vafā kījiyegā

yā yahī jaur-o-jafā kījiyegā

kabho hum se bhi wafa kijiyega

ya yahī jaur-o-jafa kijiyega

us sitam-pesha mehr dushman kī

mere uupar agar jafā hai ye

us sitam-pesha mehr dushman kī

mere upar agar jafā hai ye

jafā-o-jaur ke sadqe tasadduq-bar-zabānī par

sunāte haiñ vo lākhoñ be-nuqat is be-dahānī par

jafa-o-jaur ke sadqe tasadduq-bar-zabani par

sunate hain wo lakhon be-nuqat is be-dahani par

tirā tark-e-sitam bhī ik sitam hai ye sitam kaisā

tirī tark-e-jafā bhī ik jafā hai ye jafā kyuuñ hai

tera tark-e-sitam bhi ek sitam hai ye sitam kaisa

teri tark-e-jafa bhi ek jafa hai ye jafa kyun hai

jaur-o-jafā kā mujh se gila bhī na ho sake

pās-e-adab se tark-e-jafā bhī na ho sake

jaur-o-jafa ka mujh se gila bhi na ho sake

pas-e-adab se tark-e-jafa bhi na ho sake

huuñ tīr-e-balā kā maiñ nishāna

shamshīr-e-jafā kā maiñ sipar huuñ

hun tir-e-bala ka main nishana

shamshir-e-jafa ka main sipar hun

jafā ko vafā samjheñ kab tak bhalā ham

ab aise bhī un ke nahīñ mubtalā ham

jafa ko wafa samjhen kab tak bhala hum

ab aise bhi un ke nahin mubtala hum

farhād pe is qadar na thā zulm

majnūñ pe na ye ġhazab jafā thī

farhad pe is qadar na tha zulm

majnun pe na ye ghazab jafa thi

ahl-e-jafā ne phir na uThāyā jafā se haath

lazzat-shanās-e-zulm-o-sitam dekh kar mujhe

ahl-e-jafa ne phir na uThaya jafa se hath

lazzat-shanas-e-zulm-o-sitam dekh kar mujhe

jafā-o-jaur kyuuñ mujh ko na raas aa.eñ mohabbat meñ

jafā-o-jaur ke parde meñ pinhāñ mehrbānī hai

jafa-o-jaur kyun mujh ko na ras aaen mohabbat mein

jafa-o-jaur ke parde mein pinhan mehrbani hai

mirī intihā-e-vafā kuchh na pūchh

jafā dekh jo lā-ta.ad ho ga.ī

meri intiha-e-wafa kuchh na puchh

jafa dekh jo la-tad ho gai

halāk-e-teġh-e-jafā yā shahīd-e-nāz kare

tirā karam hai jise jaise sarfarāz kare

halak-e-tegh-e-jafa ya shahid-e-naz kare

tera karam hai jise jaise sarfaraaz kare

hausla teġh-e-jafā kā rah na jaa.e

aa.iye ḳhūn-e-tamannā kījiye

hausla tegh-e-jafa ka rah na jae

aaiye KHun-e-tamanna kijiye

yuuñ mujh pe jafā hazār kiijo

par ġhair ko to na pyaar kiijo

yun mujh pe jafa hazar kijo

par ghair ko to na pyar kijo

yaañ taġhāful meñ apnā kaam huā

tere nazdīk ye jafā hī nahīñ

yan taghaful mein apna kaam hua

tere nazdik ye jafa hi nahin

jabr is is tarah uThā.e haiñ

dekh aalam mujhe huā majbūr

jabr is is tarah uThae hain

dekh aalam mujhe hua majbur

ye tavaqqo.a na thī hameñ hargiz

ki dikhāoge ye jafā dil ko

ye tawaqqoa na thi hamein hargiz

ki dikhaoge ye jafa dil ko

tum jaur-o-jafā kaaro jo chāho

in bātoñ pe kab mujhe nazar hai

tum jaur-o-jafa karo jo chaho

in baaton pe kab mujhe nazar hai

jafā kī bāteñ sadā banānā vafā kī bāteñ kabhī na karnā

ḳhudā ke ghar meñ kamī nahīñ hai kiye meñ apne kamī na karnā

jafa ki baaten sada banana wafa ki baaten kabhi na karna

KHuda ke ghar mein kami nahin hai kiye mein apne kami na karna

safed saf.ha-e-kāġhaz kahīñ na phir rahtā

agar maiñ jaur-o-jafā ko tirī likhā kartā

safed safha-e-kāġhaz kahīñ na phir rahtā

agar maiñ jaur-o-jafā ko tirī likhā kartā