ज्ञान मति वर्णन - तन मथने को जतन कहूँ अब जानिये
तन मथने को जतन कहूँ अब जानिये
ज्यों निकसै तत सार बिलोवन ठानिये
पहिले चक्कर जानि मूल द्वारे बिषै
जित ही पाँव की एड़ी सूँ बंध दे रेखै
मूल चक्र सों खौंचि अपान चलाइये
दूजे चक्कर पास जु आन फिराइये
दहिनी ओर सों तीन लपेटे दीजिये
तीजे चक्कर माहिं गमन फिर कीजिये
चौथे चक्कर माहिं पवन जो लाइये
बहुरौ पँचवें चक्र में जिव पहुँचाइये
षष्टम चक्कर माहिं जु ताहि चढ़ाइये
सो त्रिकुटी के मध्य तहाँ ठहराइये
रोके त्रिकुटी माहीं आनि कै बायु कूँ
षट चक्कर कूँ छेदि चढ़ै जब धाय कूँ
अपान बायु चढ़ि जाय वही स्थान है
प्रान बायु ह्वै जाय साधु कोइ जान है
रोकै प्रानहिं बायु त्रिकुटी मध्यहीं
करै ओं का ध्यान सीस में गध हीं
ये तौ ऊँचा ध्यान जु अधिक अनूपहीं
चरनहिं दासा होय जु ब्रह्म सरूपहीं
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
