basantii pattii

basa.nt rut hai bahaar shabaab kii pattii

mahak rahii hai gul-e-aaftaab kii pattii

jabiin-e-naaz kaa jhuumar hai phuul sarso.n kaa

'aruus-e-husn kaa zevar gulaab kii pattii

nazaara dekhnaa hai ham ko husn-e-fitrat kaa

haTaa do chehra-e-gul se hijaab kii pattii

hai zaKHm-zaKHm me.n tiir-e-adaa se gul-kaarii

sitam-kasho.n ne yahii intiKHaab kii pattii

kisii kaa Guncha-e-dil to nahii.n hai yaaro.n me.n

masal-masal ke jo tum ne KHaraab kii pattii

safed riish bhii bharte hai.n dam javaanii kaa

hu.ii hinaa se numaayaa.n KHizaab kii pattii

gulo.n ke baad bahaarii ne putrii khole

varaq-varaq hai tilaa.ii kitaab kii pattii

vatan parasto.n ne pahne hai.n kesarii jaame

ki sabz hai shajar-e-inqilaab kii pattii

shikasta ho gayaa saaz-e-vatan me.n soz nahii.n

ukha.D ga.ii mire cha.ng-o-rubaab kii pattii

basa.nt aa.ii hai rindo.n me.n baiTh kar 'kaifii'

ham shariik ho Daalo sharaab kii pattii

basa.nt rut hai bahaar shabaab kii pattii

mahak rahii hai gul-e-aaftaab kii pattii

jabiin-e-naaz kaa jhuumar hai phuul sarso.n kaa

'aruus-e-husn kaa zevar gulaab kii pattii

nazaara dekhnaa hai ham ko husn-e-fitrat kaa

haTaa do chehra-e-gul se hijaab kii pattii

hai zaKHm-zaKHm me.n tiir-e-adaa se gul-kaarii

sitam-kasho.n ne yahii intiKHaab kii pattii

kisii kaa Guncha-e-dil to nahii.n hai yaaro.n me.n

masal-masal ke jo tum ne KHaraab kii pattii

safed riish bhii bharte hai.n dam javaanii kaa

hu.ii hinaa se numaayaa.n KHizaab kii pattii

gulo.n ke baad bahaarii ne putrii khole

varaq-varaq hai tilaa.ii kitaab kii pattii

vatan parasto.n ne pahne hai.n kesarii jaame

ki sabz hai shajar-e-inqilaab kii pattii

shikasta ho gayaa saaz-e-vatan me.n soz nahii.n

ukha.D ga.ii mire cha.ng-o-rubaab kii pattii

basa.nt aa.ii hai rindo.n me.n baiTh kar 'kaifii'

ham shariik ho Daalo sharaab kii pattii