mil kar sanam se apne ha.ngaam-e-dil-kushaa.ii

mil kar sanam se apne ha.ngaam-e-dil-kushaa.ii

ha.ns kar kahaa ye ham ne ai jaa.n basant aa.ii

sunte hii us parii ne gul-gul shagufta ho kar

poshaak-e-zar-fishaanii apnii vohii.n ra.ngaa.ii

jab ra.ng ke aa.ii us kii poshaak-e-pur-nazaakat

sarso.n kii shaakH-e-pur-gul phir jald ik ma.ngaa.ii

ik pa.nkhu.Dii uThaa kar naazuk sii u.ngliyo.n me.n

ra.ngat phir us kii apnii poshaak se milaa.ii

jis dam kiyaa muqaabil kasvat se apne us ko

dekhaa to us kii ra.ngat us par hu.ii sivaa.ii

phir to ba-sad masarrat aur sau nazaakato.n se

naazuk badan par apne poshaak vo khapaa.ii

champe kaa 'itr mal kar motii se phir KHushii ho

siimii.n kalaa.iyo.n me.n Daale ka.De tilaa.ii

ban-Than ke is tarah se phir raah lii chaman kii

dekhii bahaar-e-gulshan bahr-e-tarab fizaa.ii

jis-jis ravish ke uupar jaakar hu.aa numaayaa.n

kis-kis ravish se apnii aan-o-adaa dikhaa.ii

kyaa-kyaa bayaa.n ho jaise chamkii chaman-chaman me.n

vo zard-poshii us kii vo tarz-e-dilrubaa.ii

sad-barg ne sifat kii nargis ne be-ta.ammul

likhne ko vasf us kaa apnii qalam uThaa.ii

phir sahn me.n chaman ke aayaa ba-husn-e-kHuubii

aur Turfa-tar basantii ik anjuman banaa.ii

is anjuman me.n baiThaa jab naaz-o-tamkanat se

guldasta us ke aage ha.ns-ha.ns basant laa.ii

kii mutribo.n ne KHush-KHush aaGaaz-e-naGma-saazii

saaqii ne jaam-e-zarrii.n bhar-bhar ke mai pilaa.ii

dekh us ko aur mahfil us kii 'naziir' har dam

kyaa-kyaa basant aakar us vaqt jagmagaa.ii

mil kar sanam se apne ha.ngaam-e-dil-kushaa.ii

ha.ns kar kahaa ye ham ne ai jaa.n basant aa.ii

sunte hii us parii ne gul-gul shagufta ho kar

poshaak-e-zar-fishaanii apnii vohii.n ra.ngaa.ii

jab ra.ng ke aa.ii us kii poshaak-e-pur-nazaakat

sarso.n kii shaakH-e-pur-gul phir jald ik ma.ngaa.ii

ik pa.nkhu.Dii uThaa kar naazuk sii u.ngliyo.n me.n

ra.ngat phir us kii apnii poshaak se milaa.ii

jis dam kiyaa muqaabil kasvat se apne us ko

dekhaa to us kii ra.ngat us par hu.ii sivaa.ii

phir to ba-sad masarrat aur sau nazaakato.n se

naazuk badan par apne poshaak vo khapaa.ii

champe kaa 'itr mal kar motii se phir KHushii ho

siimii.n kalaa.iyo.n me.n Daale ka.De tilaa.ii

ban-Than ke is tarah se phir raah lii chaman kii

dekhii bahaar-e-gulshan bahr-e-tarab fizaa.ii

jis-jis ravish ke uupar jaakar hu.aa numaayaa.n

kis-kis ravish se apnii aan-o-adaa dikhaa.ii

kyaa-kyaa bayaa.n ho jaise chamkii chaman-chaman me.n

vo zard-poshii us kii vo tarz-e-dilrubaa.ii

sad-barg ne sifat kii nargis ne be-ta.ammul

likhne ko vasf us kaa apnii qalam uThaa.ii

phir sahn me.n chaman ke aayaa ba-husn-e-kHuubii

aur Turfa-tar basantii ik anjuman banaa.ii

is anjuman me.n baiThaa jab naaz-o-tamkanat se

guldasta us ke aage ha.ns-ha.ns basant laa.ii

kii mutribo.n ne KHush-KHush aaGaaz-e-naGma-saazii

saaqii ne jaam-e-zarrii.n bhar-bhar ke mai pilaa.ii

dekh us ko aur mahfil us kii 'naziir' har dam

kyaa-kyaa basant aakar us vaqt jagmagaa.ii