ganjin-e-shohada

allāh hai vo karīm kahāve

sab kuuñ khilāve vo nahīñ khāve

aap na khāve nā kuchh piitā

bin khā.e-piye vo jiitā

jiitā hai bin jaan jism vo

lā ilāha il-lallāh

allāh hai vo kabīr al-akbar

ya.ane buzurg hai vo bartar

bartar sab soñ baalā buland hai

lā-ġham alam illā ānand hai

ānand hī ānand hai bas vo

lā ilāha il-lallāh

mohammad mutavassit daryāb

tīn-lok hai un kī naav

tīn-lok kī naav kā mallāh

paar utāro mohammad vallāh

dohā

tuj kāran sarbar nabī dekh ajāyab ham

haft aflāk par iid hai haft-jamīñ par ġham

aisī kah haq ne bhijvā.ī

malakul-mulk-maut madīna aa.ī

aa kar nabī ke dvaar pe ThāDe

dastak de salavāt pukāre

sūrat ban kar ārābī kī

karne lagā vo naat nabī kī

bhītar se ik aa.ī paḌosan

thī ansār-giro kī nek-zan

kahne lagī sun ai ārābī

dukh meñ haiñ vo nabī betābī

tū kyā kahtā aise dukh meñ

jab aa.iyo tab hove sukh meñ

sun kar israel jo bole

amar allāh meñ sukh kaun khole

kahne lage maiñ malak-ul-maut huuñ

sab duniyāñ ko akelā maut huuñ

lekin mujko amr allāh hai

ya.ane mohammad habīb-allāh hai

bin pūchhe us ke ghar andar

mat jaanā ai malakul aksar

vo jo bulāve tab tū jaanā

nahīñ to pīchhe pag phir aanā

aisā hukum allāh kā muj kuuñ

is kāran maiñ pūchhūñ tum kuuñ

jā kar kaho ke mohammad pyāre

malak-ul-maut khaḌā hai dvāre

hukm kaaro to ghar meñ aave

nahī jahāñ kā tahāñ phir jaave

bāhar paḌosan bhītar biibī

suntī thī vo beTī nabī kī

rotī rotī nabī kan aa.ī

malak-ul-maut kī bāteñ sunā.ī

sun kar nabī ne kahā ke bulāo

malak-ul-maut kuuñ muj kan laao

vo allāh kā bhejā aayā

hukm allāh kā mujh par laayā

hukm allāh se kaise phirūñ maiñ

us kī razā meñ raazī rahūñ maiñ

raazī rahūñ maiñ rab kī razā meñ

tauba karūñ maiñ apnī ḳhatā meñ

malak-ul-maut kuuñ kaho ke aave

hukm ḳhudā kā bajā vo laave

jo kuchh amar allāh kā us par

vo jo kare ab muj par aa kar

mohammad ke sambandh meñ alī ne kahā maanā

yahāñ se nikal makke kuuñ jaanā

vo hai jā-e-amn-amānā

yā jaanā tum hindostāñ kuuñ

chhoḌnā bilkul arabistān kuuñ

naanā nabī kahte the mazkūr

sañg-dilī arboñ kī mash.hūr

naanā nabī arboñ meñ rahte

lekin aksar yoñ nit kahte

dohā

maiñ huuñ arabistān meñ arab nahīñ muj beach

maiñ nahīñ hindostān meñ hindī mere beach

phuTkar dohe

paa.e shahādat shāh-hasan duniyā chhoḌe duur

jise koī chhoḌtā jā kar jā kar jaa.e zarūr

jis ke naanā kā kaheñ kalma nit uTh haa.e

us ke naatī kuuñ dekho maarā zahar pilā.e

aadam kab chāhte the jannat chhoḌ ke jaa.e

jab dushman pīchhe paḌā shaitān mal.ūn haa.e

jhūThā kārobār hai jhūThī sab tadbīr

sāñchī baat nasīb kī bar-haq hai taqdīr

duniyā-dārī bāvre chalat na DhūDhe so na

likhan-hārā likh gayā meTan-hārā kaun

allah hai wo karim kahawe

sab kun khilawe wo nahin khawe

aap na khawe na kuchh pita

bin khae-piye wo jita

jita hai bin jaan jism wo

la ilaha il-lallah

allah hai wo kabir al-akbar

yane buzurg hai wo bartar

bartar sab son baala buland hai

la-gham alam illa aanand hai

aanand hi aanand hai bas wo

la ilaha il-lallah

mohammad mutawassit daryab

tin-lok hai un ki naw

tin-lok ki naw ka mallah

par utaro mohammad wallah

doha

tuj karan sarbar nabi dekh ajayab hum

haft aflak par id hai haft-jamin par gham

aisi kah haq ne bhijwai

malakul-mulk-maut madina aai

aa kar nabi ke dwar pe ThaDe

dastak de salawat pukare

surat ban kar aarabi ki

karne laga wo nat nabi ki

bhitar se ek aai paDosan

thi ansar-giro ki nek-zan

kahne lagi sun ai aarabi

dukh mein hain wo nabi betabi

tu kya kahta aise dukh mein

jab aaiyo tab howe sukh mein

sun kar israel jo bole

amar allah mein sukh kaun khole

kahne lage main malak-ul-maut hun

sab duniyan ko akela maut hun

lekin mujko amr allah hai

yane mohammad habib-allah hai

bin puchhe us ke ghar andar

mat jaana ai malakul aksar

wo jo bulawe tab tu jaana

nahin to pichhe pag phir aana

aisa hukum allah ka muj kun

is karan main puchhun tum kun

ja kar kaho ke mohammad pyare

malak-ul-maut khaDa hai dware

hukm karo to ghar mein aawe

nahi jahan ka tahan phir jawe

bahar paDosan bhitar bibi

sunti thi wo beTi nabi ki

roti roti nabi kan aai

malak-ul-maut ki baaten sunai

sun kar nabi ne kaha ke bulao

malak-ul-maut kun muj kan lao

wo allah ka bheja aaya

hukm allah ka mujh par laya

hukm allah se kaise phirun main

us ki raza mein raazi rahun main

raazi rahun main rab ki raza mein

tauba karun main apni KHata mein

malak-ul-maut kun kaho ke aawe

hukm KHuda ka baja wo lawe

jo kuchh amar allah ka us par

wo jo kare ab muj par aa kar

mohammad ke sambandh mein ali ne kaha mana

yahan se nikal makke kun jaana

wo hai ja-e-amn-amana

ya jaana tum hindostan kun

chhoDna bilkul arabistan kun

nana nabi kahte the mazkur

sang-dili arbon ki mashhur

nana nabi arbon mein rahte

lekin aksar yon nit kahte

doha

main hun arabistan mein arab nahin muj beach

main nahin hindostan mein hindi mere beach

phuTkar dohe

pae shahadat shah-hasan duniya chhoDe dur

jise koi chhoDta ja kar ja kar jae zarur

jis ke nana ka kahen kalma nit uTh hae

us ke nati kun dekho mara zahar pilae

aadam kab chahte the jannat chhoD ke jae

jab dushman pichhe paDa shaitan malun hae

jhuTha karobar hai jhuThi sab tadbir

sanchi baat nasib ki bar-haq hai taqdir

duniya-dari bawre chalat na DhuDhe so na

likhan-haara likh gaya meTan-haara kaun