haalat-e-wiladat aan-hazrat

huā jā amīna ke mukh po raushan

kaa.e jo nūr-e-ḳhāk aadam kuuñ raushan

diyā hairat sagal aalam kuuñ u bhed

hue so āmannā ne rashk ḳhurshed

dalālt u sahī qur.ān suuñ hai

qavī islām ke īmān suuñ hai

rahā nūr-e-nabī aa jis bashar meñ

bitā daste the bātil us nazar meñ

na thī pushteñ meñ kara.ī but-parastī

baġhair az sajda haq pesh-dastī

butāñ dek amīnā ke mukh po har baar

nikal paḌte yaksar ho nirādhār

dekhe u haal jis pal but-parastāñ

ḳhudā-yāñ apne girte so do rāstāñ

apas meñ jamāñ ho kar zikr-e-nā-chīz

kiye sab gumrahāñ mil kar u tajvīz

magar haiñ aamnā ke saat bezār

use aane katīñ denā nahīñ baar

huā yuuñ nuur jab mash.hūr aalam

ghare-ghar tab kiye mazkūr aalim

paḌe hairat meñ jā jab ḳhalqe sālim

so us din aa vahā yūsuf munajjim

kahā abdul-mutallib saat mil kar

katāñ huuñ ḳhush khabar sun shaad dil kar

shikam meñ aamnā ke haiñ mohammad

sharaf muñd un ke ho tum jadd-e-amjad

bashārat dī mubārakbād bolyā

nipaT ḳhush ho ke dil suuñ shaad bolyā

usī raat aamnā ke ḳhvāb meñ aa

jo buzurg piir koī pratāb meñ aa

kahe ai aamnā hai tuj bashārat

nabī-āḳhar-jamāñ sāhab shafā.at

shikam meñ hai tere haq ke karam suuñ

tuje hai ḳhush-ḳhabar devī ke ram sū

nabī-mursal har-yak aadam suuñ le kar

bā āḳhir tā ḳhalqe mariyam suuñ le kar

isī dhaat har nabī har raat aate

mubārak aamnā kuuñ de sirāte

kate ai rahmat-e-ālam kī mādar

ḳhalaf tum kū mubārak shāh-e-sarvar

usī roz aamnā par dard āġhāz

kiyā thā raat kuuñ ḳhāliq sabab saaz

tabal bajne lage the arsh uupar

malāyak aa zamīñ ke farsh uupar

sañvāre the basāte shādmānī

shafaq painyā libās-e-arġhavānī

hua ja amina ke mukh po raushan

kae jo nur-e-KHak aadam kun raushan

diya hairat sagal aalam kun u bhed

hue so aamanna ne rashk KHurshed

dalalt u sahi quran sun hai

qawi islam ke iman sun hai

raha nur-e-nabi aa jis bashar mein

bita daste the baatil us nazar mein

na thi pushten mein karai but-parasti

baghair az sajda haq pesh-dasti

butan dek amina ke mukh po har bar

nikal paDte yaksar ho niradhaar

dekhe u haal jis pal but-parastan

KHuda-yan apne girte so do rastan

apas mein jaman ho kar zikr-e-na-chiz

kiye sab gumrahan mil kar u tajwiz

magar hain aamna ke sat bezar

use aane katin dena nahin bar

hua yun nur jab mashhur aalam

ghare-ghar tab kiye mazkur aalim

paDe hairat mein ja jab KHalqe salim

so us din aa waha yusuf munajjim

kaha abdul-mutallib sat mil kar

katan hun KHush khabar sun shad dil kar

shikam mein aamna ke hain mohammad

sharaf mund un ke ho tum jadd-e-amjad

bashaarat di mubarakbaad bolya

nipaT KHush ho ke dil sun shad bolya

usi raat aamna ke KHwab mein aa

jo buzurg pir koi pratab mein aa

kahe ai aamna hai tuj bashaarat

nabi-aKHar-jaman sahab shafaat

shikam mein hai tere haq ke karam sun

tuje hai KHush-KHabar dewi ke ram su

nabi-mursal har-yak aadam sun le kar

ba aaKHir ta KHalqe mariyam sun le kar

isi dhat har nabi har raat aate

mubarak aamna kun de siraate

kate ai rahmat-e-alam ki madar

KHalaf tum ku mubarak shah-e-sarwar

usi roz aamna par dard aaghaz

kiya tha raat kun KHaliq sabab saz

tabal bajne lage the arsh upar

malayak aa zamin ke farsh upar

sanware the basate shadmani

shafaq painya libas-e-arghawani