خواجہ لیجو خبریا ہماری رے

خواجہ لیجو خبریا ہماری رے

کر لیجے آج وعدہ تو دیدار یار کا

دل توڑتے ہو کیوں کسی امیدوار کا

گذری جائے عمریا ہماری رے

پوچھا کہ حال کیا ہے دلِ بیقرار کا

ہم نے کہا کہ شکر ہے پروردگار کا

سونی رہ گئی اٹریا ہماری رے

آتے ہی بولے وقت ہے اب سیر باغ کا

منہ دیکھ لوں میں ایسے محبت شعار کا

سج گئی سج گئی سجریا ہماری رے

جس گل سے تھی امید چراغِ مزار کی

گل کر گیا چراغ ہمارے مزار کا

پھر نہ لینی خبریا ہماری رے

تم نیکی اور بدی کی جو باتوں کو گنتے ہو

یہ رات وصل کی ہے کہ ہے دن بہار کا

اب تو سن لو سنوریا ہماری رے

اکبرؔ خدا کے سامنے یوں ہی چلے چلو

فریاد لب پہ ہاتھ میں دامن ہو یار کا

یوں نہ ہوگی گذریا ہماری رے