añdhere lakh chhā jaeñ ujālā kam nahīñ hotā

añdhere laakh chhā jaa.eñ ujālā kam nahīñ hotā

charāġh-e-ārzū jal kar kabhī maddham nahīñ hotā

masīhā vo na hoñ to dard-e-ulfat kam nahīñ hotā

ye zaḳhm-e-ishq hai is zaḳhm kā marham nahīñ hotā

ġham-e-jānāñ ko jān-e-jāñ banā le dekh dīvāne

ġham-e-jānāñ se baḌh kar aur koī ġham nahīñ hotā

talab ban kar mirī har dam vo mere saath rahte haiñ

kabhī tanhā mirī tanhā.ī kā aalam nahīñ hotā

tumhārā āstāna chhoḌ kar āḳhir kahāñ jā.ūñ

diyā hai dard-e-dil tum ne vo dil se kam nahīñ hotā

mirā tan-man jalā kar tū ne zālim ḳhaak kar Daalā

magar ai soz-e-ulfat terā sho.ala kam nahīñ hotā

tere dar se mujhe itnī mohabbat ho ga.ī jānāñ

tire dar ke alāva sar kahīñ bhī ḳham nahīñ hotā

badaltī hī nahīñ qismat mohabbat karne vāloñ kī

tasavvur yaar kā jab tak 'fanā' paiham nahīñ hotā

samajh liije ki jazb-e-dil meñ hai koī kamī baaqī

agar dīdār un kā ishq meñ har dam nahīñ hotā

añdhere lakh chhā jaeñ ujālā kam nahīñ hotā

charāġh-e-ārzū jal kar kabhī maddham nahīñ hotā

masīhā wo na hoñ to dard-e-ulfat kam nahīñ hotā

ye zaḳhm-e-ishq hai is zaḳhm kā marham nahīñ hotā

ġham-e-jānāñ ko jān-e-jāñ banā le dekh dīwāne

ġham-e-jānāñ se baḌh kar aur koī ġham nahīñ hotā

talab ban kar mirī har dam wo mere sath rahte haiñ

kabhī tanhā mirī tanhāī kā aalam nahīñ hotā

tumhārā āstāna chhoḌ kar āḳhir kahāñ jāūñ

diyā hai dard-e-dil tum ne wo dil se kam nahīñ hotā

mirā tan-man jalā kar tū ne zālim ḳhak kar Dalā

magar ai soz-e-ulfat terā shoala kam nahīñ hotā

tere dar se mujhe itnī mohabbat ho gaī jānāñ

tere dar ke alāwa sar kahīñ bhī ḳham nahīñ hotā

badaltī hī nahīñ qismat mohabbat karne wāloñ kī

tasawwur yar kā jab tak 'fanā' paiham nahīñ hotā

samajh lije ki jazb-e-dil meñ hai koī kamī baqī

agar dīdār un kā ishq meñ har dam nahīñ hotā