aabaad kabhi apna bhi virana-e-dil tha

ābād kabhī apnā bhī vīrāna-e-dil thā

ik sham.a-e-pur-nūr thā kāshāna-e-dil thā

luuTā gayā thā ek ḳhazāna se jo māmūr

hai ab to ḳharāba vahī jo ḳhāna-e-dil thā

sañg-sitam-charḳh se mai ḳhaak ne pī aur

yak-laḳht huā chuur paimāna-e-dil thā

ḳhud ho gayā afsāna vahī kis se kaheñ ab

marġhūb hamārā jise afsāna-e-dil thā

kyuuñ 'mashriqī'-e-ġham-zada kā dil na ho bechain

ab qabr kī hai jaan jo jānāna-e-dil thā

aabaad kabhi apna bhi virana-e-dil tha

ek shama-e-pur-nur tha kashana-e-dil tha

luTa gaya tha ek KHazana se jo mamur

hai ab to KHaraba wahi jo KHana-e-dil tha

sang-sitam-charKH se mai KHak ne pi aur

yak-laKHt hua chur paimana-e-dil tha

KHud ho gaya afsana wahi kis se kahen ab

marghub hamara jise afsana-e-dil tha

kyun 'mashriqi'-e-gham-zada ka dil na ho bechain

ab qabr ki hai jaan jo jaanana-e-dil tha