aage jo baDha aaqa to baDhta hi gaya hai

aage jo baḌhā aaqā to baḌhtā hī gayā hai

qadmoñ ke tale habbazā aaj arsh-e-alā hai

e.azāz tujhe avval-o-āḳhir kā milā hai

hai.at bhī judā tirī hai ḳhilqat bhī judā hai

koī bhī to ye kah nahīñ saktā ki tū kyā hai

āgāh tirī asal se yā tu yā ḳhudā hai

sab kuchh tirā jo bhī yahāñ tire sivā hai

ḳhilqat bhī tirī ḳhāliq-e-akbar bhī tirā hai

har fauq ko hai fauq tire fauq se hāsil

har ek atā tirī atā hī kī atā hai

'hāmid' rahe ābād sadā shahr-e-nabī kā

jannat se bhī marġhūb madīne kī fazā hai

aage jo baDha aaqa to baDhta hi gaya hai

qadmon ke tale habbaza aaj arsh-e-ala hai

eazaz tujhe awwal-o-aKHir ka mila hai

haiat bhi juda teri hai KHilqat bhi juda hai

koi bhi to ye kah nahin sakta ki tu kya hai

aagah teri asal se ya tu ya KHuda hai

sab kuchh tera jo bhi yahan tere siwa hai

KHilqat bhi teri KHaliq-e-akbar bhi tera hai

har fauq ko hai fauq tere fauq se hasil

har ek ata teri ata hi ki ata hai

'hamid' rahe aabaad sada shahr-e-nabi ka

jannat se bhi marghub madine ki faza hai