آگے جو بڑھا آقا تو بڑھتا ہی گیا ہے

آگے جو بڑھا آقا تو بڑھتا ہی گیا ہے

قدموں کے تلے حبذا آج عرش علیٰ ہے

اعزاز تجھے اول و آخر کا ملا ہے

ہیئت بھی جدا تری ہے خلقت بھی جدا ہے

کوئی بھی تو یہ کہہ نہیں سکتا کہ تو کیا ہے

آگاہ تری اصل سے یا تو یا خدا ہے

سب کچھ ترا جو بھی یہاں ترے سوا ہے

خلقت بھی تری خالق اکبر بھی ترا ہے

ہر فوق کو ہے فوق ترے فوق سے حاصل

ہر ایک عطا تری عطا ہی کی عطا ہے

حامدؔ رہے آباد سدا شہر نبیؐ کا

جنت سے بھی مرغوب مدینے کی فضا ہے