aap ke aane se us gulshan ko zebai mili

aap ke aane se us gulshan ko zebā.ī milī

aap ke jalvoñ se un phūloñ ko rā'nā.ī milī

aap ke sadqe milī duniyā ko saarī ne'amateñ

aap se saare jahāñ ko jalva-ārā.ī milī

aap ne ham ko ġhulāmoñ meñ kiyā jab se shumār

us tavassut se jahāñ bhar meñ pazīrā.ī milī

maiñ bhalā kyā-kyā gināūñ un se kyā-kyā hai milā

'ilm-o-hikmat bhī milā aur fahm-o-dānā.ī milī

bādshāhoñ ke to ye vahm-o-gumāñ tak meñ nahīñ

aap ke dar se jo 'āmir' ko ye dārā.ī milī

aap ke aane se us gulshan ko zebai mili

aap ke jalwon se un phulon ko ra'nai mili

aap ke sadqe mili duniya ko sari ne'amaten

aap se sare jahan ko jalwa-arai mili

aap ne hum ko ghulamon mein kiya jab se shumar

us tawassut se jahan bhar mein pazirai mili

main bhala kya-kya ginaun un se kya-kya hai mila

'ilm-o-hikmat bhi mila aur fahm-o-danai mili

baadshahon ke to ye wahm-o-guman tak mein nahin

aap ke dar se jo 'amir' ko ye darai mili