nahin hai KHuda ki qasam mere rahmat

nahīñ hai ḳhudā kī qasam mere rahmat

zamāne meñ tum sā sanam mere rahmat

chale aao dīdār ko tarse añkhiyāñ

ġhulāmoñ kā rakh lo bhram mere rahmat

tumheñ iiñT patthar kā qibla mubārak

mirā qibla kā'ba haram mere rahmat

raho aaqā tum aur maiñ banda tumhārā

ye rishta ho janm-o-janam mere rahmat

jo ik baar dekhe nigāheñ tumhārī

bhulā baiThe dīn-o-dharam mere rahmat

ho tabdīl bāġh-e-iram meñ jagah vo

jahāñ bhī rakho tum qadam mere rahmat

tumhārī 'atā se hai jo kuchh hai aaqā

zamāne meñ aamir kā bharam mere rahmat

nahin hai KHuda ki qasam mere rahmat

zamane mein tum sa sanam mere rahmat

chale aao didar ko tarse ankhiyan

ghulamon ka rakh lo bhram mere rahmat

tumhein inT patthar ka qibla mubarak

mera qibla ka'ba haram mere rahmat

raho aaqa tum aur main banda tumhaara

ye rishta ho janm-o-janam mere rahmat

jo ek bar dekhe nigahen tumhaari

bhula baiThe din-o-dharam mere rahmat

ho tabdil bagh-e-iram mein jagah wo

jahan bhi rakho tum qadam mere rahmat

tumhaari 'ata se hai jo kuchh hai aaqa

zamane mein aamir ka bharam mere rahmat