baad tere bhi kya kabhi hogi

baa'd tere bhī kyā kabhī hogī

ye mohabbat to āḳhirī hogī

hai samandar se ber barsoñ kā

merī kashtī meñ kuchh kamī hogī

ho ga.e phuul ḳhatm saare hī

ab bahāroñ meñ be-kalī hogī

vo bahut duur jaake baiThā hai

baat dil par koī lagī hogī

zaḳhm-e-dil bharne ke liye ab ki

zindagī ham ko DhūñDhtī hogī

mujh se milne agar vo aa jaa.e

phir amāvas bhī chāñdnī hogī

muddatoñ baa'd aa rahā hai vo

us ko jaane kī haḌbaḌī hogī

ab ‘amal’ tab batā.egī ġham sab

jab tire dar pe hāzirī hogī

ba'd tere bhi kya kabhi hogi

ye mohabbat to aaKHiri hogi

hai samandar se ber barson ka

meri kashti mein kuchh kami hogi

ho gae phul KHatm sare hi

ab bahaaron mein be-kali hogi

wo bahut dur jake baiTha hai

baat dil par koi lagi hogi

zaKHm-e-dil bharne ke liye ab ki

zindagi hum ko DhunDhti hogi

mujh se milne agar wo aa jae

phir amawas bhi chandni hogi

muddaton ba'd aa raha hai wo

us ko jaane ki haDbaDi hogi

ab ‘amal’ tab bataegi gham sab

jab tere dar pe haziri hogi