بعد تیرے بھی کیا کبھی ہوگی

بعد تیرے بھی کیا کبھی ہوگی

یہ محبت تو آخری ہوگی

ہے سمندر سے بیر برسوں کا

میری کشتی میں کچھ کمی ہوگی

ہو گئے پھول ختم سارے ہی

اب بہاروں میں بے کلی ہوگی

وہ بہت دور جاکے بیٹھا ہے

بات دل پر کوئی لگی ہوگی

زخم دل بھرنے کے لئے اب کہ

زندگی ہم کو ڈھونڈھتی ہوگی

مجھ سے ملنے اگر وہ آ جائے

پھر اماوس بھی چاندنی ہوگی

مدتوں بعد آ رہا ہے وہ

اس کو جانے کی ہڑبڑی ہوگی

اب املؔ تب بتائے گی غم سب

جب ترے در پہ حاضری ہوگی