aankhon mein hai bahaar tamasha kahen jise

āñkhoñ meñ hai bahār tamāshā kaheñ jise

dil meñ hai ishtiyāq kī duniyā kaheñ jise

paidā kiyā hai mashq-e-tasavvur se qalb meñ

aks-e-jamāl-e-yār kā jalva kaheñ jise

ai dost kyuuñ hai merī musībat pe ḳhanda-zan

ye aish vo hai ishrat-e-rā.anā kaheñ jise

us kā jamāl pesh-e-nazar muddatoñ se hai

taskīn-e-jān-o-dil kā sahārā kaheñ jise

ham to terī galī ko samajhte haiñ apnā arsh

kyā jaane kyā hai 'arsh'-e-mualla kaheñ jise

'aḳhtar' vo saarī bazm meñ badnām ho ga.e

merī vo kyā nigāh thī rusvā kaheñ jise

aankhon mein hai bahaar tamasha kahen jise

dil mein hai ishtiyaq ki duniya kahen jise

paida kiya hai mashq-e-tasawwur se qalb mein

aks-e-jamal-e-yar ka jalwa kahen jise

ai dost kyun hai meri musibat pe KHanda-zan

ye aish wo hai ishrat-e-raana kahen jise

us ka jamal pesh-e-nazar muddaton se hai

taskin-e-jaan-o-dil ka sahaara kahen jise

hum to teri gali ko samajhte hain apna arsh

kya jaane kya hai 'arsh'-e-mualla kahen jise

'aKHtar' wo sari bazm mein badnam ho gae

meri wo kya nigah thi ruswa kahen jise