tere KHun-e-arzu ko jo samajh raha hai pani

tire ḳhūn-e-ārzū ko jo samajh rahā hai paanī

tirī us ne dar-haqīqat koī qadr hī na jaanī

mujhe ḳhaak ab malegā vo bahār-e-zindagānī

tire 'ishq ne jo zālim mirī phūñk dī javānī

kahīñ lai na TuuT jaa.e mire naġhma-e-vafā kī

ki shikasta ho chalā hai mirā sāz-e-zindagānī

ye jale-jale se tinke ye bujhā-bujhā nasheman

mire haal par huī hai ye falak kī mehrbānī

shab-e-ġham kī āñdhiy.oñ kā mujhe e'tibār kam hai

tumhīñ ab bujhā ke jaanā ye charāġh-e-zindagānī

karūñ kis tarah mukammal ġham-e-ishq kā fasāna

ġham-e-’ishq lā-fanā hai mirī zindagī hai faanī

mire sher sun ke dushman bhī ye kah rahe haiñ 'āqil

ki ġhazab kī hai latāfat tū balā kī hai ravānī

tere KHun-e-arzu ko jo samajh raha hai pani

teri us ne dar-haqiqat koi qadr hi na jaani

mujhe KHak ab malega wo bahaar-e-zindagani

tere 'ishq ne jo zalim meri phunk di jawani

kahin lai na TuT jae mere naghma-e-wafa ki

ki shikasta ho chala hai mera saz-e-zindagani

ye jale-jale se tinke ye bujha-bujha nasheman

mere haal par hui hai ye falak ki mehrbani

shab-e-gham ki aandhiyon ka mujhe e'tibar kam hai

tumhin ab bujha ke jaana ye charagh-e-zindagani

karun kis tarah mukammal gham-e-ishq ka fasana

gham-e-’ishq la-fana hai meri zindagi hai fani

mere sher sun ke dushman bhi ye kah rahe hain 'aqil

ki ghazab ki hai latafat tu bala ki hai rawani