nigah-e-lutf yaad aai fusun-e-naz yaad aaya

nigāh-e-lutf yaad aa.ī fusūn-e-nāz yaad aayā

mujhe barbādī-e-dil kā hasīñ-andāz yaad aayā

chaman meñ bulbul-e-rañgīñ navā kī baat kyā niklī

dil-e-ātish ba-jāñ ko sho'la-e-āvāz yaad aayā

sabā ke naaz ra.anā.ī pe zo.am ḳhush-ḳhirāmī par

kisī sarv-e-ḳhirāmāñ kā ḳhirām-e-nāz yaad aayā

ba-īñ shorīdgī-e-dil ba-īñ be-gāna-sāmānī

nigāh-e-avvalīñ kā dil-nashīñ andāz yaad aayā

chaman kī yaad jab aa.ī to āñkhoñ se lahū Tapkā

qiyāmat sar se guzrī jab par-e-parvāz yaad aayā

mazā aisā milā dil ko nishāt-e-nā-murādī kā

ki daur-e-aish meñ bhī tāle'-e-nā-sāz yaad aayā

mirī mahrūmiyāñ vaj.h-e-ta.alluq bin ga.iiñ 'ārif'

ḳhat-e-taqdīr se dast-e-karishmā-sāz yaad aayā

nigah-e-lutf yaad aai fusun-e-naz yaad aaya

mujhe barbaadi-e-dil ka hasin-andaz yaad aaya

chaman mein bulbul-e-rangin nawa ki baat kya nikli

dil-e-atish ba-jaan ko sho'la-e-awaz yaad aaya

saba ke naz ranai pe zoam KHush-KHirami par

kisi sarw-e-KHiraman ka KHiram-e-naz yaad aaya

ba-in shoridgi-e-dil ba-in be-gana-samani

nigah-e-awwalin ka dil-nashin andaz yaad aaya

chaman ki yaad jab aai to aankhon se lahu Tapka

qiyamat sar se guzri jab par-e-parwaz yaad aaya

maza aisa mila dil ko nishat-e-na-muradi ka

ki daur-e-aish mein bhi tale'-e-na-saz yaad aaya

meri mahrumiyan wajh-e-talluq bin gain 'arif'

KHat-e-taqdir se dast-e-karishma-saz yaad aaya