kab kisi ka koi duniya mein raha hai yaro

kab kisī kā koī duniyā meñ rahā hai yaaro

kaun sāthī mirā vahshat ke sivā hai yaaro

dard ban kar jo rag-o-pai meñ basā hai yaaro

mā-sivā us ke nahii. koī ḳhudā hai yaaro

badlī badlī sī gulistāñ kī fazā hai yaaro

koī ġhuncha hai chaman meñ na sabā hai yaaro

dard phir dil meñ mare had se sivā hai yaaro

ḳhuun gulshan meñ kisī gul kā huā hai yaaro

koī tūfān sar-e-rāh guzar ā-pahuñchā

yā mire dil ke dhaḌakne kī sadā hai yaaro

be-niyāzāna barābar se guzar jaate ho

ye bhī kyā koī mohabbat kī adā hai yaaro

bāñdh kar sar se kafan jānib-e-maqtal maiñ chalā

ik sitamgar ne mujhe yaad kiyā hai yaaro

kaun aayā hai tasavvur meñ qiyāmat lekar

dil meñ mahshar sā mire ek bapā hai yaaro

un ko dekhā hai mohabbat kī nazar se maiñ ne

huuñ ḳhatāvār yahī merī ḳhatā hai yaaro

kab kisi ka koi duniya mein raha hai yaro

kaun sathi mera wahshat ke siwa hai yaro

dard ban kar jo rag-o-pai mein basa hai yaro

ma-siwa us ke nahi koi KHuda hai yaro

badli badli si gulistan ki faza hai yaro

koi ghuncha hai chaman mein na saba hai yaro

dard phir dil mein mare had se siwa hai yaro

KHun gulshan mein kisi gul ka hua hai yaro

koi tufan sar-e-rah guzar aa-pahuncha

ya mere dil ke dhaDakne ki sada hai yaro

be-niyazana barabar se guzar jate ho

ye bhi kya koi mohabbat ki ada hai yaro

bandh kar sar se kafan jaanib-e-maqtal main chala

ek sitamgar ne mujhe yaad kiya hai yaro

kaun aaya hai tasawwur mein qiyamat lekar

dil mein mahshar sa mere ek bapa hai yaro

un ko dekha hai mohabbat ki nazar se main ne

hun KHatawar yahi meri KHata hai yaro