tere to Dhang hain yahi apna bana ke chhoD de

tere to Dhañg haiñ yahī apnā banā ke chhoḌ de

vo bhī baḌā hai bāvlā tujh ko jo pā ke chhoḌ de

aap lagī meñ jo phuñke khel ye us ke jī ke saath

jaltā huā kañval koī jaise uThā ke chhoḌ de

beḌā ho paar kyā bhalā bāñdhā hai us se aasrā

khol ke naav le chale dhāre pe lā ke chhoḌ de

tere liye to kuchh nahīñ mere liye bahut hai ye

haath se haath thaam le apnā banā ke chhoḌ de

us ne lubhā ke 'ārzū' badlī hai mujh se aañkh yuuñ

jaise koī chhiḌak ke tel aag lagā ke chhoḌ de

tere to Dhang hain yahi apna bana ke chhoD de

wo bhi baDa hai bawla tujh ko jo pa ke chhoD de

aap lagi mein jo phunke khel ye us ke ji ke sath

jalta hua kanwal koi jaise uTha ke chhoD de

beDa ho par kya bhala bandha hai us se aasra

khol ke naw le chale dhaare pe la ke chhoD de

tere liye to kuchh nahin mere liye bahut hai ye

hath se hath tham le apna bana ke chhoD de

us ne lubha ke 'arzu' badli hai mujh se aankh yun

jaise koi chhiDak ke tel aag laga ke chhoD de