be-ap bana kar mujhe jate hain kahan aap

be-āp banā kar mujhe jaate haiñ kahāñ aap

honā hai bhī ab ki vahīñ maiñ huuñ jahāñ aap

is maiñ ne phañsā rakkhā hai dhoke meñ nahīñ to

hai aur kahāñ koī vahāñ aap yahāñ aap

mil lījiye phir pūchiyegā kyā hai tirā naam

aa.eñ to yahāñ aap bulā.eñ to vahāñ aap

chhātī se uThe bhaap ki garmā ke chale saañs

jab aag lagī hai to pata degā dhuāñ aap

haañ haañ vahī chāhat vahī chāhat kī kahānī

maiñ to kahūñ so Dhañg se sunte haiñ kahāñ aap

ai 'ārzū' apne kiye hotā nahīñ kuchh bhī

is aas meñ baiThā huuñ ki badlegā samāñ aap

be-ap bana kar mujhe jate hain kahan aap

hona hai bhi ab ki wahin main hun jahan aap

is main ne phansa rakkha hai dhoke mein nahin to

hai aur kahan koi wahan aap yahan aap

mil lijiye phir puchiyega kya hai tera nam

aaen to yahan aap bulaen to wahan aap

chhati se uThe bhap ki garma ke chale sans

jab aag lagi hai to pata dega dhuan aap

han han wahi chahat wahi chahat ki kahani

main to kahun so Dhang se sunte hain kahan aap

ai 'arzu' apne kiye hota nahin kuchh bhi

is aas mein baiTha hun ki badlega saman aap