ashk aur aas ko aankhon mein liye aai hun

ashk aur aas ko āñkhoñ meñ liye aa.ī huuñ

aap ke dar pe dil-o-jāñ ko uThā laa.ī huuñ

zehn mad.hosh sā ho jaa.e kuchh aisī hai mahak

aaj kyā sīdhī madīna se havā aa.ī hai

ab du'ā hai ki qasam TuuT na jaa.e maulā

aap ke hukm pe chalne kī qasam khaa.ī hai

koī sarkār madīna se ye kah de jākar

ye gunāh-gār ziyārat kī tamannā.ī hai

jaan merī aap pe qurbān hai kamlī vaale

aap ne raah hameñ diin kī dikhlā.ī hai

'ārzū' ko bhī nabī apnī banā lījiye kanīz

hai ḳhatā-kār magar aap kī shaidā.ī hai

ashk aur aas ko aankhon mein liye aai hun

aap ke dar pe dil-o-jaan ko uTha lai hun

zehn madhosh sa ho jae kuchh aisi hai mahak

aaj kya sidhi madina se hawa aai hai

ab du'a hai ki qasam TuT na jae maula

aap ke hukm pe chalne ki qasam khai hai

koi sarkar madina se ye kah de jakar

ye gunah-gar ziyarat ki tamannai hai

jaan meri aap pe qurban hai kamli wale

aap ne rah hamein din ki dikhlai hai

'arzu' ko bhi nabi apni bana lijiye kaniz

hai KHata-kar magar aap ki shaidai hai