naqsh-pa-e-nabi se mila hai zulmaton ke safar mein sahaara

naqsh-pā-e-nabī se milā hai zulmatoñ ke safar meñ sahārā

kHāk-pā-e-nabī kī badaulat murda-dil jī uThe haiñ dobārā

ai nabī kis ke rauza pe jaa.eñ kis ko ham haal dil kā sunā.īñ

bas tum hī hāmī-e-be-kasā ho aur tum hī be-basoñ kā sahārā

merā mahbūb shahr madīna mujh ko marġhūb ḳhāk-e-madīna

merī nazroñ meñ nāchīz hai sab shams kyā kyā qamar kyā sitārā

chāhiye mujh ko kausar na jannat merī manzil hai un kī ziyārat

bas mujhe un kā jalva dikhā de ho karam mujh pe itnā ḳhudā rā

ai marīz-e-ġham-e-dil sambhal jā tirī nusrat ko ā.eñge mursal

chāragar bhī sabhī ke vahī haiñ aur vahī nā-tavāñ kā sahārā

sabz-gumbad pe nazreñ jo Dālīñ 'ārzū' mil gayā ham ko sab kuchh

dil meñ ambār thā jo 'ilm kā ho gayā pal meñ vo pārā-pārā

naqsh-pa-e-nabi se mila hai zulmaton ke safar mein sahaara

kHak-pa-e-nabi ki badaulat murda-dil ji uThe hain dobara

ai nabi kis ke rauza pe jaen kis ko hum haal dil ka sunain

bas tum hi hami-e-be-kasa ho aur tum hi be-bason ka sahaara

mera mahbub shahr madina mujh ko marghub KHak-e-madina

meri nazron mein nachiz hai sab shams kya kya qamar kya sitara

chahiye mujh ko kausar na jannat meri manzil hai un ki ziyarat

bas mujhe un ka jalwa dikha de ho karam mujh pe itna KHuda ra

ai mariz-e-gham-e-dil sambhal ja teri nusrat ko aaenge mursal

chaaragar bhi sabhi ke wahi hain aur wahi na-tawan ka sahaara

sabz-gumbad pe nazren jo Dalin 'arzu' mil gaya hum ko sab kuchh

dil mein ambar tha jo 'ilm ka ho gaya pal mein wo para-para