نقشِ پائے نبی سے ملا ہے ظلمتوں کے سفر میں سہارا

نقشِ پائے نبی سے ملا ہے ظلمتوں کے سفر میں سہارا

خاکِ پائے نبی کی بدولت مردہ دل جی اٹھے ہیں دوبارا

اے نبی کس کے روضہ پہ جائیں کس کو ہم حال دل کا سنائیں

بس تم ہی حامیٔ بے کسا ہو اور تم ہی بے بسوں کا سہارا

میرا محبوب شہر مدینہ مجھ کو مرغوب خاکِ مدینہ

میری نظروں میں ناچیز ہے سب شمس کیا، کیا قمر، کیا ستارا

چاہیے مجھ کو کوثر نہ جنت میری منزل ہے ان کی زیارت

بس مجھے ان کا جلوہ دکھا دے ہو کرم مجھ پہ اتنا خدا را

اے مریضِ غمِ دل سنبھل جا تری نصرت کو آئیں گے مرسل

چارہ گر بھی سبھی کے وہی ہیں اور وہی ناتواں کا سہارا

سبز گنبد پہ نظریں جو ڈالیں آرزوؔ مل گیا ہم کو سب کچھ

دل میں انبار تھا جو علم کا ہوگیا پل میں وہ پارا پارا