tere bin kisi ki zarurat nahin hai

tire bin kisī kī zarūrat nahīñ hai

tire baa'd jiine kī chāhat nahīñ hai

mukar jā.ūñ maiñ terī chāhat se ik din

mirī jaañ mirī aisī fitrat nahīñ hai

yahī hai mire 'ishq kī intihā sun

mujhe terī yādoñ se fursat nahīñ hai

mujhe chhoḌ kar tū kare dosrā 'ishq

sanam tujh ko is kī ijāzat nahīñ hai

ye ulfat hai merī jo rūThā huuñ tujh se

mujhe ai sanam tujh se nafrat nahīñ hai

kahā kaise tū ne tujhe chhoḌ duuñ maiñ

mohabbat hai tujh se 'adāvat nahīñ hai

diyā dard-e-dil aur ḳhushī chhīn lī hai

mujhe phir bhī tujh se shikāyat nahīñ hai

mirā dil hai bechain har vaqt 'rahbar'

mirī zindagānī meñ rāhat nahīñ hai

tere bin kisi ki zarurat nahin hai

tere ba'd jine ki chahat nahin hai

mukar jaun main teri chahat se ek din

meri jaan meri aisi fitrat nahin hai

yahi hai mere 'ishq ki intiha sun

mujhe teri yaadon se fursat nahin hai

mujhe chhoD kar tu kare dosra 'ishq

sanam tujh ko is ki ijazat nahin hai

ye ulfat hai meri jo ruTha hun tujh se

mujhe ai sanam tujh se nafrat nahin hai

kaha kaise tu ne tujhe chhoD dun main

mohabbat hai tujh se 'adawat nahin hai

diya dard-e-dil aur KHushi chhin li hai

mujhe phir bhi tujh se shikayat nahin hai

mera dil hai bechain har waqt 'rahbar'

meri zindagani mein rahat nahin hai