honT se jab saghar lagta hai

hoñT se jab sāġhar lagtā hai

nām-e-'ishq se Dar lagtā hai

aa jaatī hai dānish-mandī

pyaar meñ jab ḳhanjar lagtā hai

jo bhī vafā ke naġhme gaa.e

vo mujhe ġhārat-gar lagtā hai

sar se uThe jo baap kā saaya

phir beTā be-par lagtā hai

rañj-o-alam apne hī deñ to

dil ġham kā daftar lagtā hai

sone ke pinjre se behtar

mujh ko merā ghar lagtā hai

Dhaa.e zulm-o-sitam muflis par

us kā dil patthar lagtā hai

naqsh-e-qadam murshid ke chal kar

insāñ bālā-tar lagtā hai

dil le letā hai dil de kar

yuuñ vo saudāgar lagtā hai

us meñ nahīñ koī īfā.ī

kyuuñ ye mujhe aksar lagtā hai

andāz-e-suḳhan 'rahbar' se sīkho

vo shā'ir bartar lagtā hai

honT se jab saghar lagta hai

nam-e-'ishq se Dar lagta hai

aa jati hai danish-mandi

pyar mein jab KHanjar lagta hai

jo bhi wafa ke naghme gae

wo mujhe ghaarat-gar lagta hai

sar se uThe jo bap ka saya

phir beTa be-par lagta hai

ranj-o-alam apne hi den to

dil gham ka daftar lagta hai

sone ke pinjre se behtar

mujh ko mera ghar lagta hai

Dhae zulm-o-sitam muflis par

us ka dil patthar lagta hai

naqsh-e-qadam murshid ke chal kar

insan baala-tar lagta hai

dil le leta hai dil de kar

yun wo saudagar lagta hai

us mein nahin koi ifai

kyun ye mujhe aksar lagta hai

andaz-e-suKHan 'rahbar' se sikho

wo sha'ir bartar lagta hai