جب غم عشق سے آنکھ تر ہو گئی

جب غم عشق سے آنکھ تر ہو گئی

مختصر زندگی معتبر ہو گئی

میں نے رکھا قدم جب رہ عشق میں

یاد ان کی مری ہم سفر ہو گئی

بات جو بڑھ گئی تھی بہت عشق میں

حرف منصور پر مختصر ہو گئی

منزل عشق میں گم ہوئے ہم تو کیا

بے خبر ہو کے اپنی خبر ہو گئی

ان کے جلوے نظر میں سمائے تو کیا

دل کی دنیا تو زیرو زبر ہو گئی

میری میت پہ آنسو بہاتے ہیں وہ

اب تو روداد غم معتبر ہو گئی

اب تو روداد ساعت غفورؔ

جب مری سمت ان کی نظر ہو گئی