husn ko meri rag-o-pai mein samate jao

husn ko merī rag-o-pai meñ samāte jaao

jaao lekin mujhe dīvāna banāte jaao

nigah naaz kī taskīñ to kuchh ho jaa.e

dil meñ jo hashr uThānā hai uThāte jaao

tarbiyat aur nigāhoñ kī abhī baaqī hai

dil meñ aa.e ho to āñkhoñ meñ samāte jaao

fursat-e-chāra-garī kī to shikāyat na rahe

dard ko bā'is-e-taskīn banāte jaao

'umr-bhar nāla-o-fariyād se fursat na mile

husn ke aise karishme bhī dikhāte jaao

jā rahe ho tum agar bazm se un kī to ‘ġhafūr’

kuchh to haal shab-e-ġham un ko sunāte jaao

husn ko meri rag-o-pai mein samate jao

jao lekin mujhe diwana banate jao

nigah naz ki taskin to kuchh ho jae

dil mein jo hashr uThana hai uThate jao

tarbiyat aur nigahon ki abhi baqi hai

dil mein aae ho to aankhon mein samate jao

fursat-e-chaara-gari ki to shikayat na rahe

dard ko ba'is-e-taskin banate jao

'umr-bhar nala-o-fariyaad se fursat na mile

husn ke aise karishme bhi dikhate jao

ja rahe ho tum agar bazm se un ki to ‘ghafur’

kuchh to haal shab-e-gham un ko sunate jao