dard-e-mohabbat kar ke qubul

dard-e-mohabbat kar ke qubūl

mujh se huī hai kaisī bhuul

shart nazar hai dekhne vaale

yuuñ hī nahīñ gulzār ke phuul

merī lagan kuchh aur hai saaqī

jām-o-subū haiñ tere fuzūl

dair-o-haram se kaam nahīñ hai

'ishq ke haiñ kuchh aur usuul

laakh chhupā.ūñ chhup na sakegā

kis ke liye ye dil hai malūl

nāseh mushfiq terī bāteñ

kah to chukā huuñ sab haiñ fuzūl

vādī-e-aiman dekh rahā huuñ

dil pe tajallī kā hai nuzūl

dil meñ tasavvur yaad diloñ meñ

aur hai kyā merā mā’mūl

dil ke taqāze un se ‘ġhfūr’

hoñ na shikāyat par mahmūl

dard-e-mohabbat kar ke qubul

mujh se hui hai kaisi bhul

shart nazar hai dekhne wale

yun hi nahin gulzar ke phul

meri lagan kuchh aur hai saqi

jam-o-subu hain tere fuzul

dair-o-haram se kaam nahin hai

'ishq ke hain kuchh aur usul

lakh chhupaun chhup na sakega

kis ke liye ye dil hai malul

naseh mushfiq teri baaten

kah to chuka hun sab hain fuzul

wadi-e-aiman dekh raha hun

dil pe tajalli ka hai nuzul

dil mein tasawwur yaad dilon mein

aur hai kya mera ma’mul

dil ke taqaze un se ‘ghfur’

hon na shikayat par mahmul