درد محبت کر کے قبول

درد محبت کر کے قبول

مجھ سے ہوئی ہے کیسی بھول

شرط نظر ہے دیکھنے والے

یوں ہی نہیں گلزار کے پھول

میری لگن کچھ اور ہے ساقی

جام و سبو ہیں تیرے فضول

دیر وحرم سے کام نہیں ہے

عشق کے ہیں کچھ اور اصول

لاکھ چھپاؤں چھپ نہ سکے گا

کس کے لیے یہ دل ہے ملول

ناصح مشفق تیری باتیں

کہہ تو چکا ہوں سب ہیں فضول

وادئی ایمن دیکھ رہا ہوں

دل پہ تجلی کا ہے نزول

دل میں تصور یاد دلوں میں

اور ہے کیا میرا معمول

دل کے تقاضے ان سے غفورؔ

ہوں نہ شکایت پر محمول