kyun rang uD raha hai dil-e-be-qarar ka

kyuuñ rañg uḌ rahā hai dil-e-be-qarār kā

shāyad ye rahne vaalā nahīñ is dayār kā

khilne lagā thā phuul ki murjhā ke gir gayā

kyā tañg hausla thā havā-e-bahār kā

lo jā rahā huuñ qaid-e-’anāsir ko toḌ kar

pahlā nubuvvat hai ye mire iḳhtiyār kā

piitā huuñ hādisāt ke 'irfān ke liye

mai ek tajziya hai ġham-e-rozgār ko

saaqī hadīs-e-kausar-o-tasnīm sab ġhalat

sāġhar chhalak gayā thā kisī mai-gusār kā

dhokā diyā hai tum ne 'adam' ke ḳhulūs ko

ye rāsta nahīñ thā tumhāre dayār kā

kyun rang uD raha hai dil-e-be-qarar ka

shayad ye rahne wala nahin is dayar ka

khilne laga tha phul ki murjha ke gir gaya

kya tang hausla tha hawa-e-bahaar ka

lo ja raha hun qaid-e-’anasir ko toD kar

pahla nubuwwat hai ye mere iKHtiyar ka

pita hun hadisat ke 'irfan ke liye

mai ek tajziya hai gham-e-rozgar ko

saqi hadis-e-kausar-o-tasnim sab ghalat

saghar chhalak gaya tha kisi mai-gusar ka

dhoka diya hai tum ne 'adam' ke KHulus ko

ye rasta nahin tha tumhaare dayar ka