kash ittifaq se kabhi lab to hilae dost

kaash ittifāq se kabhī lab to hilā.e dost

dil bhī barā-e-dost hai jaañ bhī barā-e-dost

dil meñ 'ajab sukūn sā hotā hai maujzan

aatī hai gāh-gāh kahīñ se sadā-e-dost

ab intiḳhāb ho bhī to kyā intiḳhāb ho

dozaḳh adā-e-dost hai jannat razā-e-dost

yaaro shabāb-e-mausam-e-gul aur ye be-hisī

laao zarā sī garmī-e-rañg-e-qabā-e-dost

ham kah rahe haiñ rūThā huā yaar hī mile

ham be-adab nahīñ ki kaheñ muskurā.e dost

sāġhar 'adam' uThā.ūñ ki pahle vuzū kareñ

ye bhī razā-e-dost hai vo bhī razā-e-dost

kash ittifaq se kabhi lab to hilae dost

dil bhi bara-e-dost hai jaan bhi bara-e-dost

dil mein 'ajab sukun sa hota hai maujzan

aati hai gah-gah kahin se sada-e-dost

ab intiKHab ho bhi to kya intiKHab ho

dozaKH ada-e-dost hai jannat raza-e-dost

yaro shabab-e-mausam-e-gul aur ye be-hisi

lao zara si garmi-e-rang-e-qaba-e-dost

hum kah rahe hain ruTha hua yar hi mile

hum be-adab nahin ki kahen muskurae dost

saghar 'adam' uThaun ki pahle wuzu karen

ye bhi raza-e-dost hai wo bhi raza-e-dost