auron ka kuchh kalam hai mera kalam aur

auroñ kā kuchh kalām hai merā kalām aur

ahl-e-vatan ke naam hai merā payām aur

lab sī liye haiñ ahl-e-ḳhirad ne ba-ehtiyāt

kyā dekhiye dikhā.iye abhī aql-e-ḳhām aur

pīchhe rahe na des taraqqī kī raah meñ

mardān-e-kār-zār zarā tez-gām aur

kuchh tishna-lab idhar bhī haiñ saaqī ummīd-vār

ye kyā ki jo pii.ye haiñ inhīñ ko hai jaam aur

apnī ġham-e-hayāt se nazreñ milī raheñ

vo ham-nazar nahīñ haiñ na hoñ ham-kalām aur

bhārat ke naam ko bhī lageñ jis se chār-chāñd

kuchh to 'jalīl' aap kareñ aise kaam aur

auron ka kuchh kalam hai mera kalam aur

ahl-e-watan ke nam hai mera payam aur

lab si liye hain ahl-e-KHirad ne ba-ehtiyat

kya dekhiye dikhaiye abhi aql-e-KHam aur

pichhe rahe na des taraqqi ki rah mein

mardan-e-kar-zar zara tez-gam aur

kuchh tishna-lab idhar bhi hain saqi ummid-war

ye kya ki jo piye hain inhin ko hai jam aur

apni gham-e-hayat se nazren mili rahen

wo ham-nazar nahin hain na hon ham-kalam aur

bhaarat ke nam ko bhi lagen jis se chaar-chand

kuchh to 'jalil' aap karen aise kaam aur