sabhi ko jurat-e-ibn-e-ali nahin milti

sabhī ko jur.at-e-ibn-e-alī nahīñ miltī

ye us kī den hai māñge kabhī nahīñ miltī

na rāste kā pata hai na saḳht manzil kā

bhaTak rahā hai jahāñ rahbarī nahīñ miltī

vatan-parastī to mil jaatī hai jagah ba-jagah

ḳhudā gavāh vatan parvarī nahīñ miltī

nafāq-o-buġhz-o-ta.assub kā vo añdherā hai

ba-sad talāsh koī raushnī nahīñ miltī

samāj-vād ke na.are to haiñ buland bahut

magar vo baat jo hai adal kī nahīñ miltī

jise tamāniyat-e-qalb kahtī hai duniyā

baġhair zikr-e-ilāhī vahī nahīñ miltī

suḳhan-shanās hī degā 'jalīl' dād-e-suḳhan

yahāñ to daad ba-juz naġhmagī nahīñ miltī

sabhi ko jurat-e-ibn-e-ali nahin milti

ye us ki den hai mange kabhi nahin milti

na raste ka pata hai na saKHt manzil ka

bhaTak raha hai jahan rahbari nahin milti

watan-parasti to mil jati hai jagah ba-jagah

KHuda gawah watan parwari nahin milti

nafaq-o-bughz-o-tassub ka wo andhera hai

ba-sad talash koi raushni nahin milti

samaj-wad ke nare to hain buland bahut

magar wo baat jo hai adal ki nahin milti

jise tamaniyat-e-qalb kahti hai duniya

baghair zikr-e-ilahi wahi nahin milti

suKHan-shanas hi dega 'jalil' dad-e-suKHan

yahan to dad ba-juz naghmagi nahin milti