سبھی کو جرأت ابن علی نہیں ملتی

سبھی کو جرأت ابن علی نہیں ملتی

یہ اس کی دین ہے مانگے کبھی نہیں ملتی

نہ راستے کا پتہ ہے نہ سخت منزل کا

بھٹک رہا ہے جہاں رہبری نہیں ملتی

وطن پرستی تو مل جاتی ہے جگہ بہ جگہ

خدا گواہ وطن پروری نہیں ملتی

نفاق و بغض و تعصب کا وہ اندھیرا ہے

بصد تلاش کوئی روشنی نہیں ملتی

سماج واد کے نعرے تو ہیں بلند بہت

مگر وہ بات جو ہے ادل کی نہیں ملتی

جسے طمانیت قلب کہتی ہے دنیا

بغیر ذکر الٰہی وہی نہیں ملتی

سخن شناس ہی دے گا جلیلؔ داد سخن

یہاں تو داد بجز نغمگی نہیں ملتی