apna maskan jo madine ko bana lete hain

apnā maskan jo madīne ko banā lete haiñ

rah ke duniyā meñ vo jannat kā mazā lete haiñ

ātish-e-'ishq nabī aur bhaḌak uThtī hai

ThanDī-ThanDī jo madīne kī havā lete haiñ

vasl to rutba-e-’ālī hai yahī kyā kam hai

dard-e-dil roz unheñ jā ke sunā lete haiñ

is se ab baḌh ke ho kyā banda-navāzī kā subūt

mujh se 'aasī ko bhī vo paas bulā lete haiñ

qābil-e-vajd kahī hai ye ġhazal tum ne 'sharaf'

jo samajhte haiñ vahī us kā mazā lete haiñ

apna maskan jo madine ko bana lete hain

rah ke duniya mein wo jannat ka maza lete hain

aatish-e-'ishq nabi aur bhaDak uThti hai

ThanDi-ThanDi jo madine ki hawa lete hain

wasl to rutba-e-’ali hai yahi kya kam hai

dard-e-dil roz unhen ja ke suna lete hain

is se ab baDh ke ho kya banda-nawazi ka subut

mujh se 'asi ko bhi wo pas bula lete hain

qabil-e-wajd kahi hai ye ghazal tum ne 'sharaf'

jo samajhte hain wahi us ka maza lete hain