kuchh ho mujhe nasib zamane mein ya na ho

kuchh ho mujhe nasīb zamāne meñ yā na ho

merā sar-e-niyāz tirā āstāna ho

dil mujh se le ke ġhair ko tum ne diyā na ho

aisā kiyā na ho kahīñ aisā huā na ho

shikva jafā-e-yār kā ai dil na chāhiye

tere bhale ko kahtā huuñ terā burā na ho

ham tum ko dekh aa.e haiñ us din kisī ke saath

jab tum ye kah rahe the koī dekhtā na ho

tum aur merī yaad se ho aise be-qarār

fiqre ye us ko do jo tumheñ jāntā na ho

rukte haiñ aañkh uThāte hue vo mirī taraf

dushman ne un ke kaan meñ kuchh kah diyā na ho

kuchh kahtī haiñ 'sharaf' kī bhī 'āshiq-mizājiyāñ

pūchho to tum tumhīñ pe kahīñ mubtalā na ho

kuchh ho mujhe nasib zamane mein ya na ho

mera sar-e-niyaz tera aastana ho

dil mujh se le ke ghair ko tum ne diya na ho

aisa kiya na ho kahin aisa hua na ho

shikwa jafa-e-yar ka ai dil na chahiye

tere bhale ko kahta hun tera bura na ho

hum tum ko dekh aae hain us din kisi ke sath

jab tum ye kah rahe the koi dekhta na ho

tum aur meri yaad se ho aise be-qarar

fiqre ye us ko do jo tumhein jaanta na ho

rukte hain aankh uThate hue wo meri taraf

dushman ne un ke kan mein kuchh kah diya na ho

kuchh kahti hain 'sharaf' ki bhi 'ashiq-mizajiyan

puchho to tum tumhin pe kahin mubtala na ho