kahun main sarguzasht apni kahan tak

kahūñ maiñ sarguzasht apnī kahāñ tak

ki hil saktī nahīñ merī zabāñ tak

kiyā hai 'ishq ne lāġhar yahāñ tak

ajal pahuñchī na tere nā-tavāñ tak

qadam-ranja kare gar aaj dilbar

karūñ sadqa jigar se le ke jaañ tak

vo bulbul huuñ ki ’ishq-e-gul-ruḳhāñ meñ

luTā baiThā maiñ apnā ḳhānumāñ tak

yahī kahtī hai ab to be-qarārī

taḌap kar jā zamīñ se āsmāñ tak

kiyā maiñ ne jo zikr-e-dasht-gardī

paḌe haiñ aable lab se zabāñ tak

bas ab 'rahīm' bhulā do 'ishq-e-ḳhūbāñ

tumheñ ahbāb samjhā.eñ kahāñ tak

kahun main sarguzasht apni kahan tak

ki hil sakti nahin meri zaban tak

kiya hai 'ishq ne laghar yahan tak

ajal pahunchi na tere na-tawan tak

qadam-ranja kare gar aaj dilbar

karun sadqa jigar se le ke jaan tak

wo bulbul hun ki ’ishq-e-gul-ruKHan mein

luTa baiTha main apna KHanuman tak

yahi kahti hai ab to be-qarari

taDap kar ja zamin se aasman tak

kiya main ne jo zikr-e-dasht-gardi

paDe hain aable lab se zaban tak

bas ab 'rahim' bhula do 'ishq-e-KHuban

tumhein ahbab samjhaen kahan tak