kaho baalin se uTh jae tabib-e-dushman-e-jaan ko

kaho bālīñ se uTh jaa.e tabīb-e-dushman-e-jāñ ko

visāl yaar kaafī hai hamāre dard-e-hijrāñ ko

nikālūñ khīñch kar dil se agar maiñ āh-e-sozāñ ko

jalā kar ḳhaak kar Daale abhī gardūn-e-gardāñ ko

nisārūñ apne yūsuf ke qadam par misr-e-kan’āñ ko

balaḳh ko shaam ko chiiñ ko ḳhutan ko hind-o-īrāñ ko

tumhārī chashm se nisbat hai kyā chashm-e-ġhazālāñ ko

lab rañgīñ ne sharminda kiyā lā'l-e-badaḳhshāñ ko

bañdhe kis taur se mazmūñ kamar ham nā-tavānoñ se

patā lagtā nahīñ ab tak kahīñ ḳhizr-e-bayābāñ ko

tumhārī mus.haf-e-ruḳh par gumāñ hai ḳhāl-e-mushkīñ kā

va-lekin tifl-e-zañgī ne kiyā hai hifz-e-qur.āñ ko

kiye haiñ qatl 'āshiq is qadar shamshīr-e-qātil ne

ki shahroñ ko kiyā vīrāñ basāyā dasht-e-vīrāñ ko

tire us dām-e-kākul ne pahnā kar dil but kāfir

diyā dīñdār kāfir ko banā kāfir musalmāñ ko

hamāre le liyā dil ko dikhā kar o but-e-kāfir

adā ko naaz ko andāz ko zulf-e-pareshāñ ko

kiyā hai chaak kis-kis ko hamāre josh-e-vahshat ke

qabā ko āstīñ ko jeb ko dāman garebāñ ko

asīr-e-dām hote haiñ bhalā dekheñ to kitne dil

ki phailā.e haiñ us zālim ne apnī zulf-e-pechāñ ko

kahā ik din ye maiñ ne un se de doge agar bosa

ta'ajjub kyā ki paḌtā kaam hai insāñ se insāñ ko

to kahte haiñ vo kyā hañs kar muḳhātab ho raqīboñ se

hameñ dekho use dekho zarā us shān-e-yazdāñ ko

vafā kyūñkar kare vā'da ki us sarv-qāmat ko

vafā karnā nahīñ aayā hai ai dil 'ahd-o-paimāñ ko

liye hamrāh ġhairoñ ko lagā kar rashk kī ātish

jalāne qabr par aayā but-e-kāfir musalmāñ ko

ġharaz thī paan khāne se na matlab surkH-dandāñ se

'rahīm' sharminda karnā thā use lā'l-e-badaḳhshāñ ko

kaho baalin se uTh jae tabib-e-dushman-e-jaan ko

visal yar kafi hai hamare dard-e-hijran ko

nikalun khinch kar dil se agar main aah-e-sozan ko

jala kar KHak kar Dale abhi gardun-e-gardan ko

nisarun apne yusuf ke qadam par misr-e-kan’an ko

balaKH ko sham ko chin ko KHutan ko hind-o-iran ko

tumhaari chashm se nisbat hai kya chashm-e-ghazalan ko

lab rangin ne sharminda kiya la'l-e-badaKHshan ko

bandhe kis taur se mazmun kamar hum na-tawanon se

pata lagta nahin ab tak kahin KHizr-e-bayaban ko

tumhaari mushaf-e-ruKH par guman hai KHal-e-mushkin ka

wa-lekin tifl-e-zangi ne kiya hai hifz-e-quran ko

kiye hain qatl 'ashiq is qadar shamshir-e-qatil ne

ki shahron ko kiya viran basaya dasht-e-viran ko

tere us dam-e-kakul ne pahna kar dil but kafir

diya dindar kafir ko bana kafir musalman ko

hamare le liya dil ko dikha kar o but-e-kafir

ada ko naz ko andaz ko zulf-e-pareshan ko

kiya hai chaak kis-kis ko hamare josh-e-wahshat ke

qaba ko aastin ko jeb ko daman gareban ko

asir-e-dam hote hain bhala dekhen to kitne dil

ki phailae hain us zalim ne apni zulf-e-pechan ko

kaha ek din ye main ne un se de doge agar bosa

ta'ajjub kya ki paDta kaam hai insan se insan ko

to kahte hain wo kya hans kar muKHatab ho raqibon se

hamein dekho use dekho zara us shan-e-yazdan ko

wafa kyunkar kare wa'da ki us sarw-qamat ko

wafa karna nahin aaya hai ai dil 'ahd-o-paiman ko

liye hamrah ghairon ko laga kar rashk ki aatish

jalane qabr par aaya but-e-kafir musalman ko

gharaz thi pan khane se na matlab surkH-dandan se

'rahim' sharminda karna tha use la'l-e-badaKHshan ko