jis ki ulfat mein hum aae dosto badnam rahe

jis kī ulfat meñ ham aa.e dosto badnām rahe

aaj tak vasl se us shoḳh ke nākām rahe

haaye ab tak na bar aa.ī koī merī ummīd

lākhoñ hai dil meñ bhare hasrat-o-kām rahe

ḳhvāhish-e-vasl idhar se hai udhar se inkār

muddatoñ bhī nāma-o-paiġhām rahe

kab huā 'ishq kī āġhāz kā anjām ba-ḳhair

naqd-e-dil de ke bhī vasl se nākām rahe

'ishq meñ tere sanam ab to ye naubat pahuñchī

na to kāfir rahe na sāhib-e-islām rahe

duur kar dil se mire ulfat-e-duniyā yā-rab

tirī hī yaad se har vaqt mujhe kaam rahe

sāqiyā bahr-e-ḳhudā rakhnā na sāġhar ḳhālī

bāda-e-'ishq se labrez mirā jaam rahe

gul-ruḳhoñ kī ulfat meñ huā tū barbād 'rahīm'

kHār-e-pur tujh ko samajhte ye gul-andām rahe

jis ki ulfat mein hum aae dosto badnam rahe

aaj tak wasl se us shoKH ke nakaam rahe

haye ab tak na bar aai koi meri ummid

lakhon hai dil mein bhare hasrat-o-kaam rahe

KHwahish-e-wasl idhar se hai udhar se inkar

muddaton bhi nama-o-paigham rahe

kab hua 'ishq ki aaghaz ka anjam ba-KHair

naqd-e-dil de ke bhi wasl se nakaam rahe

'ishq mein tere sanam ab to ye naubat pahunchi

na to kafir rahe na sahib-e-islam rahe

dur kar dil se mere ulfat-e-duniya ya-rab

teri hi yaad se har waqt mujhe kaam rahe

saqiya bahr-e-KHuda rakhna na saghar KHali

baada-e-'ishq se labrez mera jam rahe

gul-ruKHon ki ulfat mein hua tu barbaad 'rahim'

kHar-e-pur tujh ko samajhte ye gul-andam rahe